AQŞ prezidentı Donald Tramp eldıŋ jerasty iadrolyq synaqtaryn qaita bastauy mümkın ekenın mälımdedı, dep habarlaidy "Adyrna" ūlttyq portaly DW agenttıgıne sılteme jasap.
Tramp Vaşingtonnan Palm-Bichke ūşyp bara jatqan Air Force One ūşaǧynda jurnalisterdıŋ sūraǧyna jauap berdı.
«Būl turaly jaqyn arada belgılı bolady, bıraq iä, bız bıraz synaqtar jürgızemız. Basqa elder de mūny ıstep jatyr. Eger olar ıstese, bız de jasaimyz», — dedı.
Būǧan deiın ol TruthSocial äleumettık jelısınde jariialaǧan jazbasynda Pentagonǧa 33 jyldyq üzılısten keiın iadrolyq qaru synaularyn qaita bastaudy tapsyrǧanyn mälımdegen bolatyn.
«Basqa elder öz synaq baǧdarlamalaryn jürgızıp jatqanda, men Qorǧanys ministrlıgıne iadrolyq qaruymyzdy teŋdık negızınde synaqtan ötkızudı tapsyrdym. Būl prosess dereu bastalady», — dep jazdy Tramp.
Aq üi basşysy sondai-aq, AQŞ-ta basqa elderge qaraǧanda iadrolyq qaru köbırek ekenın atap öttı.
AQŞ soŋǧy ret 1992 jyly auqymdy iadrolyq synaq ötkızgen. Vaşington 1996 jyly Iаdrolyq synaqtarǧa jappai tyiym salu turaly şartqa qol qoiǧanymen, ony älı de ratifikasiialaǧan joq. Sodan berı Nevada poligonynda tek subkritikalyq jerasty synaqtary ǧana jürgızılıp keledı.
Sarapşylardyŋ pıkırınşe, iadrolyq synaqtardyŋ qaita bastaluy jahandyq qauıpsızdık jüiesıne eleulı äser etuı mümkın, al bırqatar elder Vaşingtondy mūndai qadamnan bas tartuǧa şaqyruy yqtimal.
