Kezınde 66 mln teŋgege salynǧan Maŋǧystau oblysynyŋ üş bırdei auylyndaǧy medisinalyq punkt jabylyp qaldy. Dälırek aitqanda, 2007 jyly qoldanysqa berılgen ǧimarattardyŋ igılıgın auyldaǧy aǧaiyn mülde körmegen. Būl turaly “Adyrna” ūlttyq portaly Euraziia bırınşı arnasyna sılteme jasap habarlaidy.
Būl – 100 şaqty halqy bar Jarma auyly. Osyndaǧy medpunkttıŋ bügıngı jaǧdaiy mıne, öte aianyşty küige tüsken. Ǧimarat qarauylsyz, qarausyz qalǧan. Edenı opyrylyp, qabyrǧasy qaqyrap, esıkterı qirap jatyr. Al, onyŋ qūrylysyna 2007 jyly jergılıktı qazynadan 22 mln teŋge jūmsalypty. Sazdy jäne Qiiaqty eldı mekenderınde de däl osyǧan ūqsas jaǧdai. Ol jerdegı ǧimarattar da jabylyp, tyndy. Būl künde auyl jūrty emdelu üşın 90 şaqyrym qaşyqtyqta jatqan audan ortalyǧyna baruǧa mäjbür. Alysqa qatynau äsırese, qart kısıler men jüktı kelınşekterge qiyn.
Tiyn BALMŪRZAEVA, jarma auylynyŋ tūrǧyny: Ambulatoriia qoldanysqa berılgelı onşaqty jyl boldy, tıptı odan da köp jyl. Bıraq, bız onyŋ bälendei igılıgın körıp otyrǧanymyz joq. Ol postoianno jabyq tūrady. Onyŋ ışınde qūral-saimany, därı-därmegı , egetın ukoldary bolmaǧasyn onyŋ ışınde medsetrada tūraqty otyra almaidy. Ülken kısılerge, kışkentai balalarǧa ,aiaǧy auyr kelınşekterge odan bolyp jatqan kömek joq. Olardyŋ barlyǧy da selkıldep, alysqa qara jolmenen därıgerge ketedı».Audan atqamınerlerı būl mäselege qanyq . Bıraq, qoldan keler qairan joq dep qol qusyryp otyr . Öitkenı şalǧai auyldarǧa jas mamandar barmaidy. Al jergılıktı qazynanyŋ 66 million teŋgesıne salynǧan üş bırdei medpunkttıŋ jabyluyn halyq sanynyŋ azdyǧymen jäne mamandardyŋ tapşylyǧymen bailanystyrady. Keiın būl nysandardy şaǧyn bala-baqşa retınde paidalanuǧa bermekşı bolypty. Alaida, ol oilary da jüzege aspaǧan.
Talǧat QYLANOV, Maŋǧystau audany äkımınıŋ orynbasary Ondai mäsele bızde Sazdyda da bar, Jarmada , Qiiaqty degen jerde bar. Osyndai mäsele bar. Üşeuı de qaŋyrap bos tūr. 2007 de salynǧan kezınde. Respublikadan aqşa bölıngen tolyqtai barlyq auyldarǧa. Ol, kezde halyq sanyn qalai eseptedı ol turaly men bılmeimın. Ol kezde men bolǧan joqpyn. Bergı jaqtaǧy auyldarda ösım bolmai qaldy. Halyq qalaǧa köşıp bastaldy. Öspegennen keiın perspektiva bolǧan joq».Al, oblystyq densaulyq saqtau basqarmasyndaǧydar medpunktterdı ūstap tūru üşın janjaqtan maman tartpaq bolypty, bıraq odan da tük şyqpaǧan.
Nūrbol OQUOV Maŋǧystau oblystyq densaulyq saqtau basqarmasynyŋ resmi ökılı Ol jerde kınälı tūlǧany ızdeu qisynsyz siiaqty. Densaulyq saqtau basqarmasynyŋ būl jerde eş qatysy joq. Bız maman tauyp beruge barynşa yqpal ettık. Bıraq halyq köşıp ketkenıne bailanysty köşıp ketıp jatty. …….Medpunkterdı sonymen jabyluyn bailanystyryp otyrmyz».Endı audan äkımdıgı üş bırdei auyldaǧy qaŋyrap qalǧan bos ǧimarattardy senımgerlık jolmen käsıpkerlerge jalǧa bermekşı. Alaida, oǧan äzırge eş sūranys joq körınedı.
