Kezinde 66 mln teńgege salynǵan Mańǵystaý oblysynyń úsh birdeı aýylyndaǵy medıınalyq pýnkt jabylyp qaldy. Dálirek aıtqanda, 2007 jyly qoldanysqa berilgen ǵımarattardyń ıgiligin aýyldaǵy aǵaıyn múlde kórmegen. Bul týraly “Adyrna” ulttyq portaly Eýrazııa birinshi arnasyna silteme jasap habarlaıdy.
Bul – 100 shaqty halqy bar Jarma aýyly. Osyndaǵy medpýnkttiń búgingi jaǵdaıy mine, óte aıanyshty kúıge túsken. Ǵımarat qaraýylsyz, qaraýsyz qalǵan. Edeni opyrylyp, qabyrǵasy qaqyrap, esikteri qırap jatyr. Al, onyń qurylysyna 2007 jyly jergilikti qazynadan 22 mln teńge jumsalypty. Sazdy jáne Qııaqty eldi mekenderinde de dál osyǵan uqsas jaǵdaı. Ol jerdegi ǵımarattar da jabylyp, tyndy. Bul kúnde aýyl jurty emdelý úshin 90 shaqyrym qashyqtyqta jatqan aýdan ortalyǵyna barýǵa májbúr. Alysqa qatynaý ásirese, qart kisiler men júkti kelinshekterge qıyn.
Tıyn BALMURZAEVA, jarma aýylynyń turǵyny:
Ambýlatorııa qoldanysqa berilgeli onshaqty jyl boldy, tipti odan da kóp jyl. Biraq, biz onyń bálendeı ıgiligin kórip otyrǵanymyz joq. Ol postoıanno jabyq turady. Onyń ishinde qural-saımany, dári-dármegi , egetin ýkoldary bolmaǵasyn onyń ishinde medsetrada turaqty otyra almaıdy. Úlken kisilerge, kishkentaı balalarǵa ,aıaǵy aýyr kelinshekterge odan bolyp jatqan kómek joq. Olardyń barlyǵy da selkildep, alysqa qara jolmenen dárigerge ketedi».
Aýdan atqaminerleri bul máselege qanyq . Biraq, qoldan keler qaıran joq dep qol qýsyryp otyr . Óıtkeni shalǵaı aýyldarǵa jas mamandar barmaıdy. Al jergilikti qazynanyń 66 mıllıon teńgesine salynǵan úsh birdeı medpýnkttiń jabylýyn halyq sanynyń azdyǵymen jáne mamandardyń tapshylyǵymen baılanystyrady. Keıin bul nysandardy shaǵyn bala-baqsha retinde paıdalanýǵa bermekshi bolypty. Alaıda, ol oılary da júzege aspaǵan.
Talǵat QYLANOV, Mańǵystaý aýdany ákiminiń orynbasary
Ondaı másele bizde Sazdyda da bar, Jarmada , Qııaqty degen jerde bar. Osyndaı másele bar. Úsheýi de qańyrap bos tur. 2007 de salynǵan kezinde. Respýblıkadan aqsha bólingen tolyqtaı barlyq aýyldarǵa. Ol, kezde halyq sanyn qalaı eseptedi ol týraly men bilmeımin. Ol kezde men bolǵan joqpyn. Bergi jaqtaǵy aýyldarda ósim bolmaı qaldy. Halyq qalaǵa kóship bastaldy. Óspegennen keıin perspektıva bolǵan joq».
Al, oblystyq densaýlyq saqtaý basqarmasyndaǵydar medpýnktterdi ustap turý úshin janjaqtan maman tartpaq bolypty, biraq odan da túk shyqpaǵan.
Nurbol OQÝOV Mańǵystaý oblystyq densaýlyq saqtaý basqarmasynyń resmı ókili
Ol jerde kináli tulǵany izdeý qısynsyz sııaqty. Densaýlyq saqtaý basqarmasynyń bul jerde esh qatysy joq. Biz maman taýyp berýge barynsha yqpal ettik. Biraq halyq kóship ketkenine baılanysty kóship ketip jatty. …….Medpýnkterdi sonymen jabylýyn baılanystyryp otyrmyz».
Endi aýdan ákimdigi úsh birdeı aýyldaǵy qańyrap qalǵan bos ǵımarattardy senimgerlik jolmen kásipkerlerge jalǵa bermekshi. Alaıda, oǵan ázirge esh suranys joq kórinedi.
