Chehııa Reseıden «Spýtnık V» vakınasyn satyp alǵaly otyr edi. Aradaǵy kelisim shart úzildi. Chehııanyń premer-mınıstri Andreı Babısh elinen Reseıdiń 18 dıplomatyn shyǵarýǵa sheshim jasady. Buǵan sebep bolǵan, 7 jyl buryn Chehııanyń Vrbetıe qalasyndaǵy oq-dári qoımasyndaǵy jarylysty Reseıdiń barlaý qyzmeti uıymdastyrǵany anyqtaldy.
Soǵan qatysty Cheh bıligi reseılik azamattar Aleksandr Petrov pen Rýslan Boshırov ekeýine halyqaralyq izdeý salǵan. Máskeý óz azamattarynyń osy iske qatysy baryn bile tursa da, eshqandaı shara qoldanbaǵan. Búgin Cheh ókimeti basshysy Reseımen dıplomatııalyq qarym-qatynasty toqtatýǵa sheshim jasady.
Cheh ókimeti 48 saǵattyń ishinde, ıaǵnı eki táýlikte reseılik dıplomattarǵa elden shyǵyp ketýdi buıyryp otyr. Chehııanyń oq-dári qoımasyndaǵy jarylys Reseıdiń barlaý qyzmetiniń tikeleı qatysýymen iske asqanyn Chehııanyń arnaıy tekserý oryndary anyqtaǵanyn Andreı Babısh málimdedi.
Jarylystan eki adam qaıtys bolyp, mańaıyndaǵy eldi mekender evakýaııalanǵan. Jarylys Chehııanyń Vrbetıe qalasyndaǵy oq-dári qoımasynda osydan 7 jyl buryn bolǵan.
Osy jarylystardy jasaǵan reseılik Aleksandr Petrov pen Rýslan Boshırov ekeýine Ulybrıtanııada da Sergeı Skrıpal men onyń qyzy Iýlııany ýlap ketken degen aıyp taǵylǵan.
Bekbolat QARJAN,
"Adyrna" ulttyq portaly
