Mobilizasiia jariialanǧanda Qazaq elıne qaşqan Resei Federasiialyq küzet qyzmetınıŋ (FSO) maiory Mihail Jilin "äskeri qyzmetten qaşty", "şekarany zaŋsyz kesıp öttı" degen aiyppen 6,5 jylǧa sottaldy. Ükımdı Barnauyl garnizonynyŋ äskeri soty şyǧardy. Ol jazasyn asa qataŋ rejimde ötep, bükıl ataǧynan aiyrylatyn bolady, dep habarlaidy "Adyrna" ūlttyq portaly.
“Äskeri qyzmetşı arnaiy äskeri operasiia aimaǧyna barudan qoryqty. Äskeri boryşyn ötegısı kelmei, jyljymaityn mülkın satyp, basşylyqqa jalǧan mälımdeme jasady. Ol keiın mügedek bolyp, baqylau-ötkızu punktın zaŋsyz ainalyp öttı", – delıngen habarlamada.Mihail Jilin Resei Federasiiasy Qylmystyq kodeksınıŋ 338-baby, 1-bölıgı boiynşa aiypty esebınde tanyldy. Atap aitqanda, "Dezertirleu”, 322-babynyŋ 1-bölıgı - "Resei Federasiiasynyŋ memlekettık şekarasyn zaŋsyz kesıp ötu" baptary boiynşa kınälı dep tanyldy. Ol qataŋ rejimdegı koloniiada 6 jyl 6 aiǧa bas bostandyǧynan aiyryldy. Sottyŋ baspasöz qyzmetı ükım zaŋdy küşıne engen joq dep mälımdegen. "Azattyqtyŋ" jazuynşa, 36 jastaǧy Jilin būǧan deiın Reseidıŋ Federasiialyq küzet qyzmetınıŋ Sıbır federasiialyq okrugınde jūmys ıstep, prezident Vladimir Putinnıŋ aimaqpen bailanysyna jauap bergen. 21 qyrküiekte Putin Reseide mobilizasiia jariialaǧan kezde Jilin otbasyn alyp Reseiden qaşqan. Oǧan Reseiden ketuge şekteu bolǧandyqtan, Qazaqstan şekarasyn būzyp ötken. 26 qyrküiekte maiordy Abai oblysy şekaraşylary ūstady. 6 jeltoqsanda Jilin Armeniiaǧa ūşa almady. Resei Mihail Jilinge halyqaralyq ızdeu jariialap, Qazaqstan aimaǧynda ūstaldy. Al jeltoqsannyŋ aiaǧynda Qazaq elınen Reseige ekstradisiialady.
"Adyrna" ūlttyq portaly
Ūqsas jaŋalyqtar
