«Taldyqorǵan - Úsharal» joly bıyl aıaqtalady

1076
Adyrna.kz Telegram

Almaty oblysynda indetke qaramastan, tek ótken jyldyń ózinde «Jumyspen qamtý jol kartasy» baǵdarlamasy aıasynda 18,8 mlrd. teńgege 487,7 shaqyrym jolǵa jóndeý jumystary júrgizildi.

«Aýyl-El besigi» baǵdarlamasy iske asyrylǵannan bastap 3,2 mlrd. teńgege 97,2 shaqyrym jol jóndelgen. Oblystyq jolaýshy kóligi jáne avtomobıl joldary basqarmasynyń aıtýynsha, bul óńirdegi 240 eldi mekenniń aýylishilik joldarynyń sapasyn jaqsartýǵa múmkindik týǵyzdy. Jyl sońyna qaraı sapasy jaqsy jáne qanaǵattanarlyq joldardyń úlesi 89 % jetedi. Al 2025 jylǵa qaraı bul kórsetkish 95 proent bolady, - dep habarlaıdy Almaty oblysy ákiminiń baspasóz qyzmeti.

«Nurly Jol» baǵdarlamasy da oblystyń jol-kólik ınfraqurylymyn damytýǵa zor serpin berdi. Oblystyq jolaýshy kóligi jáne avtomobıl joldary basqarmasy basshysy Ǵalymjan Dáribaevtyń aıtýynsha, «Nurly jol» baǵdarlamasynyń sheńberinde jergilikti mańyzy bar 1800 shaqyrym avtojol qaıta jańartylyp, jóndeldi.

Aýmaqty damytý baǵdarlamasyna sáıkes aldaǵy 5 jylǵa avtomobıl joldary jelisin damytýdyń oblystyq jospary ázirlendi. Soǵan sáıkes 2025 jylǵa deıin 1700 shaqyrymǵa jýyq jol jóndeýdiń barlyq túrimen qamtylatyn bolady, oǵan 150 mlrd. teńge baǵyttalady. Sonyń ishinde Úlken Almaty aınalma avtokólik jolyna shyǵatyn alty jol salynady, Saıyn kóshesi osy jyly bastalady. Munyń bári 2025 jylǵa qaraı joldardyń sapasyn 95 proentke jetkizýge múmkindik beredi.

Almaty qalasyna kóliktiń kirip-shyǵýyn odan ári jeńildetý maqsatynda joǵarǵy Qaskeleń tas joly men Talǵar traktin birinshi sanatqa jetkizip, qaıta jańartý kózdelgen. Sol sııaqty uzyndyǵy 170 shaqyrym Saryózek-Kóktal jolyn qaıta jańartý júrgiziledi. 2023 jylǵa qaraı «Qapshaǵaı-Kúrti» jáne «Kúrti-Býrylbaıtal» joldarynyń 233 shaqyrymyn qaıta jańartý aıaqtalady.

Almaty oblysynyń týrıstik tartymdylyǵyn arttyra túsýde týrıstik nysandarǵa aparatyn joldardy jóndeýdiń mańyzy zor jáne bul is basty nazarda. Máselen, «Almaty - Óskemen» avtojolynyń «Taldyqorǵan – Úsharal» bóligi, «Úsharal-Dostyq» avtojolynyń rekonstrýkııasy bıylǵy jyly aıaqtalady. Bul Alakól kóline barýshylar qataryn arttyrýǵa yqpal etpek. Balqash kóliniń jaǵalaýyna baratyn uzyndyǵy 140 shaqyrym jol qaıta jańartylyp jatyr. Kólsaı kóline jetkizetin jol qurylysy aıaqtalǵan. Al Qaıyńdy kóline jetkizetin 12 km joldy jóndeý jumystary bıylǵy jyly bastalady. «Altynemel» Ulttyq parkine deıingi joldy qaıta jańartýǵa jobalyq-smetalyq qujattama ázirlenýde.

«Aq bulaq» demalys aımaǵyna barý úshin Talǵar qalasyn aınalyp ótetin jol men kópir salyndy, Talǵar trakty – «Lesnaıa skazka», Sharyn shatqalyna kiretin jol jasaldy.

Jańa jol qurylystarymen qatar jol boıyndaǵy servıs jaǵdaıynyń da sapasyn jaqsartý umyt qaldyrylǵan joq. Qazirgi ýaqytta osyndaı 344 nysan bar, onyń 60 proenti Ulttyq standart talaptaryna sáıkes.

Mysaly, ótken jyly «Almaty – Óskemen» avtojolynyń 20-shaqyrymynda, Ile aýdanynyń aýmaǵynda kólemi 2 gektardaı jerde salynǵan «D» sanatyndaǵy «Compass» avtojanarmaı quıý stanııasyna qarasty pýnktterdiń biri iske qosyldy. Bul jańa formattaǵy, zamanaýı talaptarǵa jaýap beretin trassalyq keshen asa iri nysannyń biri jáne munda jolaýshylarǵa qajetti jaǵdaılar qarastyrylǵan. Ázirge bul nysannyń Qazaqstanda teńdesi joq. Keshen aýmaǵynda 14 avtokólik pen 2 elektromobılge arnalǵan janar-jaǵarmaı stansasy, júk kólikterine arnalǵan turaq qarastyrylǵan. Kólemi shamamen 1000 sharshy metrlik ǵımaratta jolaýshylardyń tolyqqandy tamaqtanýyna laıyqtalǵan ashana, dándi kofe men tiske basar taǵam satatyn ekspress-kafe de bar. Keshen kóp oryndy sanıtarlyq jelilermen jabdyqtalǵan, sonyń ishinde dýsh bólmeleri de bar, múgedek jandarǵa da qolaıly jaǵdaılar qarastyrylǵan. Keshenniń bir ereksheligi – onyń aýmaǵynda avtokólikke janarmaı quıýdan bastap, ystyq tamaq iship, jolǵa qajetti azyq-túlik jáne basqa da zattardy satyp alýǵa deıingi qyzmettiń tolyq spektory usynylady. Jol boıynda sapaly servıs qalyptastyrý jumystary jalǵasady.

Atap ótsek, Almaty oblysyndaǵy avtokólik joldarynyń uzyndyǵy – 9 634 km, sonyń 6 811 shaqyrymy – jergilikti mańyzdaǵy jol, 2823 km – respýblıkalyq jol. «Taldyqorǵan - Óskemen» (313,5 km), «Kúrti - Býrylbaıtal» (166 km), «Uzynaǵash - Otar» (80 km), «Qapshaǵaı - Kúrti» (67 km), «Úsharal - Dostyq» (180 km), «Almaty - Bishkek» («Altyn orda» bazany) sııaqty avtokólik joldarynyń qurylysy kiretin iri ınvestıııalyq jobalar oblystaǵy jol ınfraqurylymyn damytýǵa zor yqpal etip otyr.

Almaty oblysy ákiminiń baspasóz qyzmeti.

Pikirler