Qostanaida 13 myŋ avtokölık qūrastyryldy

Qazaqstandyq Avtobiznes Qauymdastyǧynyŋ (QABQ) derekterı boiynşa, 2021 jyldyŋ üş aiynda Qazaqstan aumaǧynda jalpy qūny 140,4 milliard teŋgeden asatyn 19848 tehnika şyǧarylǧan. Mūnyŋ 66%-y Qostanai oblysyndaǧy «SaryarqaAvtoProm» zauytyna tiesılı. Qazır öŋırde Chevrolet avtomobilderıne degen sūranys artqan. Qostanailyqtar bırınşı toqsanda osy kölıktıŋ 10 myŋnan astam bırlıgın naryqqa şyǧarǧan. «Üş aidyŋ qorytyndysy boiynşa Qostanai avtomobil zauyty 13063 tehnika şyǧardy, būl ötken jyldyŋ säikes kezeŋımen salystyrǧanda 34,7% -ǧa artyq. Bız ünemı avtomobil öndırısınıŋ deŋgeiın köteruge ǧana emes, sonymen bırge zaman talaptaryna sai kölıkterdı şyǧaruǧa da ūmtylamyz. Qazır tek Qazaqstan naryǧy ǧana emes, eksport turaly da söz qozǧai alamyz. Jyl basynan berı 2000-ǧa juyq kölık şetelge jıberıldı. Būl bızdıŋ öŋır üşın, eldıŋ avtoöndırısı üşın aitarlyqtai jetıstık», - deidı «SaryarqaAvtoProm» JŞS direktory Syrym Semeibaev. 2020 jyly da qostanailyq zauyt önımdı jūmys ıstedı. Byltyr 40 myŋnan astam kölık qūrastyrylyp, rekordtyq deŋgeige şyqty. Osy jyly käsıporyn Jac, Chevrolet, UAZ jäne MAN brendterımen kelısım-şartty ūzartpaq. Būl tızımge nauryz aiynda KIA avtomobil şyǧaratyn kompaniiasy qosyldy. Joba şeŋberınde jylyna 20 myŋ KIA avtomobilderın şyǧaru josparlanǧan. Önımdı oqşaulau deŋgeiı şanaqtardy dänekerleu jäne boiau operasiialaryn qosa alǧanda, ūsaq torapty öndırıs tehnologiialaryn qoldanu arqyly 50% deiın arttyrylatyn bolady. Sonymen qatar jaqynda «SaryarqaAvtoProm» men «AvtoVAZ» zauyty arasynda serıktestık turaly kelısımge qol qoiyldy. Syrym Semeibaevtyŋ aituynşa, Qazaqstannyŋ ırı avtomobil zauyty biyl 100 myŋ tehnikany qūrastyruǧa niettı. Sebebı memleket qoldauynyŋ arqasynda käsıporyn kadr sapasyn tömendetken joq. Kerısınşe mamandaryn şetelderge bılımın jetıldıruge jıberıp, ırı zauyttarmen tyǧyz bailanys ornatty.