Aqtoǵaı aýdandyq prokýratorysynan laqtyrylǵan qoqystyń arasynan eski úlgidegi Qazaqstannyń memlekettik eltańbasy tabyldy, dep habarlaıdy "Adyrna" ulttyq portaly pavlodarnews.kz-ke silteme jasap.
«Oblystyq prokýratýramen beınejazbadaǵy oqıǵaǵa qatysty qyzmettik tekserý júrgizilýde. Sondaı-aq tirkelgen aqparatqa qatysty is boıynsha polıııamen tekserý sharalary atqarylýda. Istiń mán-jaıy anyqtalýda», – dedi oblystyq prokýratýrada.
Eske salaıyq, Qazaqstan Respýblıkasynyń memlekettik Týyn, memlekettik Eltańbasyn joıý olardy qaıta qoldaný múmkindigin boldyrmaý maqsatynda órteý, balqytý, 2,5 sharshy santımetrden aspaıtyn mólsherde maıdalap bólshekteý, usaqtaý, qalypsyz massaǵa nemese untaq kúıge aınaldyrý jolymen júrgiziledi.
