Eki búıregi de isten shyqqan áıel deni saý sábıdi ómirge alyp keldi, dep habarlaıdy "Adyrna" ulttyq portaly "Astana telearnasyna" silteme jasap.
Talandy Berkimbaıdyń ómiri 2 jyldan beri gemodıalızge baılanǵan. 2019 jyly sátsiz júktilikten keıin onyń eki búıregi de isten shyqty. Biraq ana bolýǵa degen qulshynys ómirine tóngen qaýipten kúshti boldy.
Talandy 3 naýryzda júktiliktiń 7 aıynda ul týdy. Bala óte kishkentaı boldy, salmaǵy bir kelige de jetpedi. Náreste bir aı dárigerlerdiń baqylaýynda boldy. Qazir ol qajetti salmaqty jınap, úıine shyqty.
"Olar bolmaıdy dedi, biraq men balany qalaǵandyqtan úzildi-kesildi bas tarttym. Basynda qorqynyshty boldy. Sodan keıin ony ózimde sezine bastaǵanda, maǵan báribir boldy. Bul kópten kútken bala, bul qalaýmen týǵan bala", - dedi Talandy Berkimbaı.
Dárigerlerdiń aıtýynsha, mundaı dıagnozy bar áıelderge bala kóterýge bolmaıdy. Bul jaǵdaıda saý bala týýdyń múmkindigi myń adamnyń birine buıyrady. Sondyqtan paıentiniń jaǵdaıyn bilgen dárigerler qarsy boldy.
"Konsılıým jınaldy, árıne, qoldaǵandar da, qarsy shyqqandar da boldy. Biraq olar bir pikirge kelip, jaqsy nátıjege qol jetkizdi. Bala da ózin keremet sezinedi. Salmaq jınap jatyr, bir jarym kılogramm boldy. Bárimiz óte qýanyshtymyz", - dedi nefrolog Mýmınat Stepanenko.
Aıta keteıik, Aqtóbe oblysynda 10 jyldan astam ýaqyttan beri mundaı jaǵdaı tirkelmegen.
