Reseı 22 jyl jalǵa alǵan jerlerdi Qazaqstanǵa qaıtaryp jatyr. QR Qorǵanys mınıstrliginiń ókilderi bul jerlerdiń qandaı maqsatta paıdalanatynyn aıtyp berdi, - dep habarlaıdy "Adyrna kz" kaz.tengrinews.kz portalyna silteme jasap.
"Bir jaǵynan polıgondy jalǵa berý úshin tólenetin 717 myń dollar (jylyna - avt.) paıdadan qaǵylyp qalǵandaımyz. Al negizinen bul jerlerdi aýylsharýashylyǵy, paıdaly qazbalardy barlaý men óndirý maqsatynda paıdalaný ekonomıkalyq turǵyda tıimdirek bolady dep oılaımyn", - deıdi QR Qorǵanys mınıstriniń orynbasary Talǵat Muhtarov jýrnalısterge.
Sonymen birge, polıgon aýmaǵynyń ekologııalyq jaǵdaıyn zertteý úshin arnaıy komıssııa qurylǵany aıtyldy.
"Ǵaryshtan túsirilim jasaldy, polıgon aýmaǵy áýeden barlandy, jerdiń quramy saraptamaǵa jiberildi. Saraptama qorytyndysy adamdar men janýarlar, jalpy ekologııaǵa eshqandaı zııan joǵy anyqtaldy", - dep atap ótti Muhtarov.
Eske salaıyq, Reseı 22 jylǵa jalǵa alǵan Aqtóbe oblysyndaǵy 300 myń gektarlyq Embi polıgonyn qaıtarady. Jalǵa alý kelisiminiń merzimi 2017 jyldyń 1 qańtarynda aıaqtaldy. Munyń aldynda Reseı Qazaqstanǵa polıgon aýmaǵyndaǵy jyljymaly jáne jyljymaıtyn múlikti qaıtarǵan bolatyn. Sonyń ishinde kazarmalyq 15 ǵımarat bar.
"Adyrna". kz
