Keıbir adamdar qutyrma aýrýyna qarsy ekpe saldyrtýda

1984
Adyrna.kz Telegram

Soltústik Qazaqstan oblysynda Tımırıazev aýdany Dokýchaev eldi mekeniniń 20 shaqty turǵyny qutyrma aýrýyna qarsy egilip jatyr. Bul týraly “Adyrna” ulttyq portaly Nege.kz saıtyna silteme jasap habarlaıdy. 

SQO sanıtarııalyq-epıdemıologııalyq baqylaý departamentiniń málimetinshe, Tımırıazev aýdany Dokýchaev eldi mekenindegi sharýashylyqtardyń birinde qutyrma aýrýynyń tabylýyna baılanysty tıisti sanıtarııalyq is-sharalar qolǵa alyndy.

Iaǵnı aýrý maldy saýyp, baqqan jumysshylardyń sany anyqtaldy. Qazir 19 adam medıınalyq qyzmetkerlerdiń baqylaýynda. Olarǵa qutyrmaǵa qarsy vakına egilip jatyr.

«Aýrý malmen baılanysta bolǵan jumysshylardyń jaǵdaılary jaqsy. Bul qaýipti aýrýmen kúrestiń eń tıimdi tásili – ekpe qoıǵyzý. Negizi emi joq. Aýyrǵandardyń júıke júıesi zaqymdanady. Tynys alýy aýyrlap, sońy ólimge ákeledi. Al adamǵa janýarlardyń silekeıi arqyly juǵady», – deıdi SQO SEBD bólim bastyǵy Iýlııa Gaısına.

SQO-da sońǵy ret qutyrma aýrýymen aýyrǵan adam 1998 jyly tirkelgen eken.

«Eldi mekenderde jabaıy ańdar paıda bolǵan jaǵdaıda olardy úı janýarlaryna jaqyndatpaý qajet. Óıtkeni qutyrma aýrýyn negizgi taratýshylar – jyrtqysh ańdar. Olardan ıt-mysyqqa, tórt túlikke juǵady. Ásirese kóktem ýaqytynda ıt-mysyqty qamap ustaǵan jón. Al úı janýary nemese jyrtqysh ań qaýyp nemese tyrnaǵan jaǵdaıda jaraqatty sabyndap jýyp, 70 % spırtpen nemes ıodpen súrtý qajet. Keıin mindetti túrde emdeý mekemesine kóriný kerek», – deıdi Iýlııa Gaısına.

Jyl basynan SQO-da janýarlar qapqan 246 adam medıınalyq kómekke júgingen. Olardyń barlyǵy qajetti vakınany aldy. Buǵan deıin SQO-daǵy sharýashylyqtardyń birinde qutyrma aýrýynyń anyqtalyp, 60 kúnge shekteý sharalarynyń engizilgenin aıtqan edik.

Pikirler