Al bızdıŋ qazaq halqynyŋ tūŋǧyş ǧaryşkerı Toqtar batyrymyz ǧoi. Qyran qazaq Toqtar Äubäkırovtıŋ ǧaryşqa samǧau sätın közımmen köru baqyty būiyrǧan edı maǧan.
Älı esımde, 1991 jyldyŋ 2-şı qazany edı. Qazaq halqynyŋ atynan Baiqoŋyr kosmodromynan ǧaryşqa qanat qaqqan Toqtar Äubäkırov aǧamyzdyŋ ūşu sätın köru üşın arnaiy şaqyrylǧan qazaqstandyq jurnalister qūramyna «Ortalyq Qazaqstan» gazetınıŋ redaksiiasy atynan qatystym. Sol tarihi oqiǧa turaly «Ortalyq Qazaqstan» gazetınıŋ ekı sanynda «Sūŋqardyŋ samǧau sätı» dep atalatyn derektı reportajym jariialandy. Toqaŋ bır aidan keiın Jūldyzdy qalaşyqtan elge keldı. Qaraǧandy äuejaiy basynan kütıp aldyq ta, batyrdyŋ kındık qany tamǧan Qarqaraly audanyna tartyp kettık. Batyrdyŋ būl sapary jaily reportajdarym «Ortalyq Qazaqstan» gazetınde bır apta boiy kün qūrǧatpai jariialanyp tūrdy. Būl jurnalistık eŋbek jolymdaǧy jarqyn sätterdıŋ bırı retınde jadymda saqtalyp qaldy.
Toqtar batyrdyŋ ǧaryşqa qanat qaqqan künınde jäne bır aidan keiın elge qaityp oralǧan saparynda tüsırılgen fotosuretterdı jeke mūraǧatymnan alyp, jūrtşylyq nazaryna ūsynudy jön kördım.
Töleubai ERMEKBAEV
