9 sáýirde Qazaqstannyń jeti oblysynda daýyldy eskertý jarııalandy, dep habarlaıdy "Adyrna" ulttyq portaly derekkózge siltep.
Soltústik Qazaqstan oblysynda keı jerlerde tuman, kóktaıǵaq kútiledi. Petropavlda tuman bolady delinýde.
Qyzylorda oblysynda soltústik-shyǵystan, keı jerlerde shyǵystan 15-20 m / s jyldamdyqpen jel soǵady dep kútilýde.
Qostanaı oblysynda keı jerlerde tuman, kóktaıǵaq kútiledi. Ońtústik-batystan jáne batystan soqqan jel keı jerlerde 15-20 m / s-ke deıin soqpaq.
Aqmola oblysynda keı jerlerde tuman kútiledi. Ońtústik-batystan soqqan jel soltústik-batysqa aýysady, kúndiz keı jerlerde 15-20 m / s.
Aqtóbe oblysynda keı jerlerde tuman kútiledi.
Atyraý oblysynda keı jerlerde shańdy daýyl kútiledi, ońtústik-shyǵystan 15-20 m / s jyldamdyqpen jel soǵady. Kúndiz Atyraýda ońtústik-shyǵys jeldiń ekpini 15-18 m / s kútiledi.
Batys Qazaqstan oblysynda jel ońtústik-shyǵystan, kúndiz keı jerlerde 15-20 m / s jel soǵady.
"Adyrna" ulttyq portaly
