Shyǵys Qazaqstan, Kúrshim aýdanynda qar jaýyp, tabıǵı sıpattaǵy tótenshe jaǵdaı rejımi jarııalandy, dep habarlaıdy “Adyrna” ulttyq portaly.
Kúrshim aýdanynda qalyń qar men boran jetinshi qańtardan bastap toqtamaı tur. Sınoptıkterdiń aıtýynsha, keıbir jerlerde qardyń qalyńdyǵy eki metrge jetedi. ShQO ákimdiginiń baspasóz qyzmetiniń málimetinshe, aýdan aýyldarynyń turǵyndary kólik qatynasynan aıyrylǵan.
Aýa-raıyna baılanysty búgin, 16 qańtarda aýdanǵa azyq-túlik, qajetti zattar men dári-dármekterdi jetkizý úshin tikushaq jiberildi.
«Jaǵdaı jergilikti atqarýshy organdardyń baqylaýynda», - dep habarlady ShQO ákimdigi.
ShQO Kólik jáne avtomobıl joldary basqarmasynyń málimetinshe, jol júrýdi qamtamasyz etý úshin Kúrshim aýdanyna qosymsha tehnıka jiberilgen. 20-dan astam arnaıy tehnıka jumyldyryldy.
Aıta keteıik, Marqakól aýdanynda da aýa raıy qolaısyz. Jergilikti turǵyndar qar qursaýynda qalyp qoıǵan attarynan aıyrylyp qala jazdaǵan.
“Adyrna” ulttyq portaly
