Qazaqstannyŋ tūŋǧyş prezidentı "Samūryq-Qazyna" ūlttyq äl-auqat qory" aksionerlık qoǧamy basqarmasynyŋ töraǧasy Almasadam Sätqalievtı qabyldady, dep habarlady Elbasynyŋ baspasöz qyzmetı.
Kezdesude Nūrsūltan Nazarbaevqa ūlttyq äl-auqat qorynyŋ byltyrǧy jäne 2021 jyldyŋ bırınşı toqsanyndaǧy jūmys nätijelerı, sondai-aq "Samūryq-Qazyna" qoryn basqaru jönındegı keŋestıŋ otyrystarynda berılgen tapsyrmalardyŋ oryndalu barysy turaly aqparat berıldı.
"Samūryq-Qazyna" qory 2020 jyldy tabysty aiaqtady. Byltyr Qor kompaniialarynda qyzmetkerlerdıŋ sany aitarlyqtai qysqartylǧan joq, üzdıksız öndırıstık prosess saqtaldy. 2020 jyldyŋ qorytyndysy boiynşa qor aktivterınıŋ qūny 13,9 trillion teŋgege jettı", – dedı Nūrsūltan Nazarbaev.Sätqaliev Elbasyǧa qordy investisiialyq holding retınde qaita qūru şaralary jäne aldaǧy negızgı basymdyqtar turaly baiandady. Qazaqstannyŋ tūŋǧyş prezidentı qor elımızdıŋ ūlttyq bailyǧy ekenıne toqtalyp, onyŋ aktivterın barşa halyqtyŋ igılıgı üşın eseleu jūmystaryn jalǧastyru qajettıgın atap öttı.
"Az uaqyt ışınde qor jūmysyn jandandyryp, şūǧyl şaralar qabyldandy. Strategiialyq maŋyzy bar salalar qalypty jūmys ıstep tūr. 2020 jyly qor memlekettık biudjetke 870 milliard teŋge audardy", – dedı Nūrsūltan Nazarbaev.Sondai-aq Elbasy qor kompaniialarynyŋ tiımdılıgın odan ärı arttyru üşın naqty şaralar qabyldaudyŋ maŋyzdylyǧyn aitty. Kezdesu soŋynda Ūlttyq äl-auqat qoryn basqaru jönındegı keŋestıŋ töraǧasy Almasadam Sätqalievke bırqatar naqty tapsyrma berıp, jemıstı ärı tabysty jūmys ısteuıne tılektestıgın bıldırdı.
