Aqyn Ádilǵazy Qaıyrbekov osydan alty jyl buryn aıtqan áńgime.
Aqmyltyq aqyn Qajytaı Ilııas pen Qabdesh Jumadilov Qytaıdan elge kele jatyr eken. Ekeýi de jaıaý. Áldeneden keıin joldy kesip aǵyp jatqan ózendi kóredi. Keship ótpek bolyp, Qabdesh etigin sheshe bastaǵanda Qajytaı turyp "Sen sheshinbeı-aq qoı, Qabdesh. Men arqalap óte salaıyn" depti. Ol kezde Qabdesh turymtaıdaı ǵana turqy bar balań jigit. Keıin Qajekeń jazýshylar bir bas qosqanda "Qabdeshti sonda ázer arqalap óttim, zildeı bop ketti. Sóıtsem, men Qabdeshti emes, qap-qap roman arqalap ótippin ǵoı" degen edi.
"Adyrna" ulttyq portaly
