Onyń pikirinshe, sankııa yqpalyn barlyq el, sonyń ishinde Ortalyq Azııa da sezinedi.
"Reseı agressııasy Ýkraınaǵa ǵana emes, basqa elderge de yqpal etip jatyr. Biz S5+1 elderine jańa saýda áriptestikterin damytýdy qoldaımyz. Ortalyq Azııadaǵy áriptesterimizben aımaq elderimen qalaı jumys isteıtinimiz týraly sóılestik. Oǵan 25 mıllıon dollar bóldik. Sonymen birge jańa joldar men jańa eksporttyq naryqtardy izdep jatyrmyz. Biz Reseı sankııalarynyń saldary qandaı bolatynyn jaqsy túsinemiz", - dep jaýap berdi AQSh memlekettik hatshysy.
Sonymen qatar Entonı Blınken "Reseı Federaııasy tarapynan Ortalyq Azııaǵa qaýip tónip turǵan joq pa?" degen suraqqa da jaýap berip, máselege toqtaldy.
"Bizdi alańdatyp otyrǵan másele tek Reseıdiń Ýkraınaǵa agressııasy jáne Reseıdiń onda jasap jatqan barlyq sumdyq áreketi emes, BUU jarǵysynyń negizgi qaǵıdattaryna qarsy agressııasy. Bizdiń prınıpterimiz beıbitshilik pen turaqtylyqty saqtaýǵa baǵyttalǵan dep sanaımyz. Sonyń ishinde sizdiń aımaǵyńyzda da. Sondyqtan barlyq eldiń birigip, Reseı agressııasyna qarsy turýy Ýkraınany qorǵaý úshin ǵana emes, sonymen birge osy prınıpter úshin mańyzdy. Eger olar buzylsa, Reseı óz agressııasyn basqa elderge qarsy baǵyttaı alady. Sonda keıbir elder Reseıge qarap, "Reseıdiń qolynan kelse, biz de isteı alamyz" dep oılaýy múmkin. Biz muny toqtatýymyz kerek. Sondyqtan barlyq el jınalyp, "joq" deýi mańyzdy, - dep oı qorytty Entonı Blınken.
Hatshynyń aıtýynsha, ol Reseı Federaııasynyń aldaǵy josparlary týraly bilmeıdi, biraq bári Ýkraınadaǵy jaǵdaıdyń sheshilýine baılanysty ekenine senimdi.
"Reseıdiń qandaı da bir ıdeıalary men josparlary týraly naqty aıta almaımyn, bári Ýkraınada bolyp jatqan jaǵdaıǵa baılanysty. Biraq biz bárimiz birge Reseı buzyp otyrǵan prınıpterdi qorǵaýǵa tıispiz jáne bul bizge beıbit ómir súrýge múmkindik beredi" - dedi Entonı Blınken.
Entonı Blınkenniń Qazaqstanǵa keletini 24 aqpanda belgili boldy. Budan keıin Syrtqy ister mınıstrligi men AQSh Memlekettik hatshysynyń birlesken fotoǵa túsý rásimi ótkeni habarlanǵan edi.
"Adyrna" ulttyq portaly
