Prezıdent Qasym-Jomart Toqaev, Ulttyq bank tóraǵasy Erbolat Dosaevty qabyldady, dep habarlaıdy "Adyrna" ulttyq portaly. Bul týraly Qazaqstan Respýblıkasy Prezıdentiniń resmı saıtynda baıandaldy.
"Memleket basshysyna bıylǵy jyldyń I toqsanyndaǵy aqsha-kredıt saıasatyn iske asyrýdyń aldyn ala qorytyndysy týraly baıandaldy. Ulttyq bank tóraǵasy álemdik ekonomıkany qalpyna keltirý barysynda negizgi yqtımal syn-qaterler jaıynda aıtty.
Prezıdentke elimizdiń 2020 jylǵa arnalǵan tólem balansy, jalpy halyqaralyq rezervterdiń jaǵdaıy, altyn qoryn hedjırleý tásilderi jóninde málimet berildi.
Erbolat Dosaev Memleket basshysynyń Qazaqstan azamattarynyń zeınetaqy jınaqtaryn merziminen buryn paıdalaný jáne Ulttyq tólem júıesin qurý tapsyrmalarynyń oryndalý barysy týraly baıandap, turǵyn úı saıasatyn reformalaýǵa qatysty usynystaryn jetkizdi", delindi resmı saıtta.
Kezdesý sońynda Memleket basshysy Ulttyq bank tóraǵasyna birqatar naqty tapsyrma berdi.
"Adyrna" ulttyq portaly
