پرەزيدەنت قاسىم-جومارت توقاەۆ، ۇلتتىق بانك توراعاسى ەربولات دوساەۆتى قابىلدادى، دەپ حابارلايدى "ادىرنا" ۇلتتىق پورتالى. بۇل تۋرالى قازاقستان رەسپۋبليكاسى پرەزيدەنتىنىڭ رەسمي سايتىندا باياندالدى.
"مەملەكەت باسشىسىنا بيىلعى جىلدىڭ ءى توقسانىنداعى اقشا-كرەديت ساياساتىن ىسكە اسىرۋدىڭ الدىن الا قورىتىندىسى تۋرالى باياندالدى. ۇلتتىق بانك توراعاسى الەمدىك ەكونوميكانى قالپىنا كەلتىرۋ بارىسىندا نەگىزگى ىقتيمال سىن-قاتەرلەر جايىندا ايتتى.
پرەزيدەنتكە ەلىمىزدىڭ 2020 جىلعا ارنالعان تولەم بالانسى، جالپى حالىقارالىق رەزەرۆتەردىڭ جاعدايى، التىن قورىن حەدجيرلەۋ تاسىلدەرى جونىندە مالىمەت بەرىلدى.
ەربولات دوساەۆ مەملەكەت باسشىسىنىڭ قازاقستان ازاماتتارىنىڭ زەينەتاقى جيناقتارىن مەرزىمىنەن بۇرىن پايدالانۋ جانە ۇلتتىق تولەم جۇيەسىن قۇرۋ تاپسىرمالارىنىڭ ورىندالۋ بارىسى تۋرالى بايانداپ، تۇرعىن ءۇي ساياساتىن رەفورمالاۋعا قاتىستى ۇسىنىستارىن جەتكىزدى", دەلىندى رەسمي سايتتا.
كەزدەسۋ سوڭىندا مەملەكەت باسشىسى ۇلتتىق بانك توراعاسىنا بىرقاتار ناقتى تاپسىرما بەردى.
"ادىرنا" ۇلتتىق پورتالى
