Qostanaılyq jastar Naýryz merekesi jáne Táýelisizdiktiń 30 jyldyǵy aıasynda «Qaıyrymdylyq jáshigi» akııasyn bastady. Sondaı sharalardyń biri ondaı sharalardyń biri Altynsarın aýdanynda qolǵa alyndy. Aýdandyq Jastar resýrstyq ortalyǵynyń uıymdastyrýymen Mádenıet úıiniń birinshi qabatynan «Jaqsylyq jáshigi» ashyldy. Ereksheligi sol – munda kez kelgen turǵyn óz erikterimen kıim-keshek pen basqa da turmystyq zattardy ákele alady. Tıisinshe, ózińizge qajetti zattardy tegin alyp ketesiz.
– Qaıyrymdylyq jáshikterine jınalǵan zattardyń bári paıdalanýyna qaraı ýaqtyly suryptalyp, eriktiler arqyly kómekke zárý adamdarǵa jetkiziledi. Keı turǵyndar qart kisilerge arnap kıimder ákelip jatyr. Munyń bári qýantady. Osynaý Naýryz merekesiniń túp negizi de bereke-birlikte, qaıyrymdylyqta jatyr ǵoı. Aýdan jastary muny tereń túsinedi. Biz áleýmettik jelilerde jarnama jasap, turǵyndardy qaıyrymdylyqqa shaqyryp jatyrmyz. Olar óz múmkindiginshe azyq-túlik pen turmysqa qajetti ári sharýashylyq zattaryn qaldyryp, muqtaj jandarǵa jan-jaqty qoldaý kórsete alady. Buıymdar tek taza, bútin qalpynda bolýy kerek, - deıdi aýdandyq jastar ortalyǵynyń mamandary.
Turǵyndar qoldap, qaıyrymdylar qatary kóbeıe tússe, keleshekte jáshikter sanyn taǵy kóbeıtetinin aıtady uıymdastyrýshy jastar. Bul shara oblystyń ár aýdanynda qolǵa alynǵanyn aıta keteıik.
