Qazaqtyń sport jáne týrızm akademııasynyń prezıdenti Qaırat Zákirıanov joıylyp ketýdiń aldynda turǵan ańdardyń terisin kabınetindegi jıhazǵa jaıyp tastaǵan sýretten keıin qylmystyq jazaǵa tartylýy múmkin. Bul týraly KTK arnasy habarlady.
Rektordyń kollekııasyna qatysty tórt aılyq tekseristen keıin polıııa qylmystyq is qozǵady.
"Atalmysh qylmystyq is qazir Almaly aýdandyq polıııa basqarmasynda tergelýde. Tıisti tergeý amaldary men saraptamalar júrgizilýde. Qylmystyq is júrgizý kodeksiniń 201-babyna sáıkes, tergeý reti jáne basqa da mán-jaılar jarııa etilmeıdi", – dedi Almaty qalasy polıııa departamentiniń resmı ókili Saltanat Ázirbek.
Bildeı sport jáne týrızm akademııasynyń prezıdentine qatysty janjal qańtarda shyqqan. Belgili sportshy Janqosh Turarov Qaırat Zákirıanovpen birge túsken sýretin áleýmettik jelige júktep, baıqamaı basshynyń baǵaly kollekııasyn búkil elge jarııa qylǵan.
Al basshynyń terilerdi sonaý Afrıkadan atyp ákelgeni belgili boldy. Zebra, kengýrý, aıý, antılopa, tipti keriktiń terisin aıaq astyna kilem etip tóseıdi eken.
Tergeýshilerdiń suraǵy qar barysy men túrkistandyq sileýsinniń terileri jáne qabyrǵadaǵy aqqýlarǵa qatysty bolǵan. Sýrette kórinip turǵandaı, akademııa prezıdenti Qyzyl kitapqa engen janýarlardyń birin jıhaz, endi birin tósenish retinde qoldanǵan.
Basy daýǵa qalǵan basshy bastapqyda terilerdi "tanystarym syılady" dep, jaýaptan jaltarǵan. Tipti, "jasandy" dep málimdegen.
Alaıda, polıııanyń qylmystyq is qozǵaýyna qaraǵanda teriler jasandy emes. Al oqý ornynyń basshysy terilerge qatysty qandaıda bir suhbat berýden bas tartty.
"Bul jaǵdaı boıynsha túsinikteme berýden bas tartamyz. Buǵan deıin aıtqanymyzdaı, qar barysynyń terisi akademııa basshysyna syıǵa tarylǵan. Qazaq týrızm jáne sport akademııasynyń prezıdenti ózi qalaǵan kezde máseleniń mán-jaıyn túsindirip suhbat beredi", – akademııa prezıdentiniń baspasóz hatshysy Álııa Beısebaeva.
