Şymkent qalasynyŋ äkımı Mūrat Äitenovtıŋ töraǧalyǧymen koronavirustyŋ taraluynyŋ aldyn alu ştabynyŋ otyrysy öttı. Onda densaulyq saqtau salasynyŋ daiyndyǧy taǧy bır ret pysyqtady.
Özderıŋızge belgılı, qalada koronaviruspen kürestıŋ 3 ssenariiı äzırlengen bolatyn. Qazır A ssenariiı boiynşa jūmys jürgızılıp jatyr. Būl ssenarii boiynşa 1380 tösek-oryn daiyn. B jäne S ssenariilerı boiynşa 5 myŋ tösek-orynǧa deiın daiyndalady.
Qalada ÖJJ apparattary men ottegı, sonymen bırge därı-därmek qory jetkılıktı.
Qazırgı taŋda densaulyq saqtau mekemelerınde 284 nauqas koronaviruspen em alyp jatyr. Tolymdylyq 20 paiyzdy qūraidy. Odan bölek simptomsyz 133 nauqas üilerınde emdeu üstınde.
Şymkent qalasynda 29 nauryz künı koronaviruspen 13 nauqas tırkeldı. Odan bölek, 2345 adam koronavirus jūqtyrǧandarmen qarym-qatynasta bolǧan. Olar tırkelgen emhanalardyŋ baqylauynda. Mamandar qarym-qatynasta bolǧandarǧa kündelıktı habarlasyp, üide karantin rejimın saqtau kerek ekenın eskertıp aituda. Alaida, soǧan qaramastan simptomsyz nauqastar men qarym-qatynasta bolǧandar syrtqa şyǧyp ketıp jatqan jaǧdailar joq emes.
Qala äkımı Nūr-Sūltan jäne Almaty qalalarynda qalyptasqan epidemiologiialyq jaǧdaidy tılge tiek etıp, qala tūrǧyndaryn betperde kiıp jüruge, köpşılık oryndarǧa barmauǧa, basqa da sanitarlyq talaptardy saqtap jüruge şaqyrdy. Sanitarlyq talaptardyŋ oryndaluyn qadaǧalaityn mobildı toptardyŋ jūmysyn küşeite tüsudı tapsyrdy.
Şymkent qalasy äkımdıgınıŋ baspasöz qyzmetı
