Qazaqstandyqtar Emir esımdı büldırşınnıŋ emıne milliard teŋge jinady. 29 nauryzda būl turaly Emirdıŋ ata-anasy Sabina Dauletkalieva men Taleh Şahmarov Instagram jelıcınde baiandady, dep habarlaidy "Adyrna" tılşısı.
"Emirdıŋ emıne arnalǧan qor jabyldy. Bızge körsetken qoldaularyŋyz ben senımderıŋız üşın barlyǧyŋyzǧa zor alǧysymyzdy bıldırgımız keledı. Öitkenı būl sommany jinau, tek sızderdıŋ arqalaryŋyzda mümkın boldy. Sonymen qatar bızge ülken somany jinauǧa üles qosqan bas anonimdı siqyrşymyzǧa alǧys aitamyz. Qordy jabyq dep jariialauymyzdyŋ bırden-bır faktory bız, Emirdı emdetuge Reseige ketetınımızdı atap ötkımız keledı. Būl ǧajaiyptyŋ "Qaiyrymdylyq geografiiasy" (Geografiia dobra) qory men därıgerlerdıŋ arqasynda oryn alǧandyǧyn atap ötkımız keledı. Mümkın emes bolyp körınetın būl ülken qordy jabu, Qazaqstandaǧy jūlyn būlşyqet atrofiiasymen(JBA) auyratyn basqa otbasylardyŋ balalarynyŋ ömırı üşın kürestı nyǧaituǧa jäne qoǧam men bızdıŋ densaulyq saqtaudaǧy mäselenıŋ şeşımı bolatyndyǧyn körsetkendei. Qazaqstandaǧy JBA-men auyratyn 200-ge juyq nauqas, onyŋ ışınde eresekter men balalar bar. Olar da osy ǧajaiyptyŋ oryn aluyn kütude. Būl ǧajaiyp, memleket jasauy kerek ǧajaiyp. Qazaqstanda tırkelmegen "Spinraza" preparatyn jedel tırkeu, būl bolaşaqqa degen, ömır süruge degen qūqyǧy bar jandardyŋ armany", - dep jazdy Emirdıŋ ata-anasy Instagram paraqşasyndaǧy jazbasynda.Aqsai qalasynyŋ tūrǧyndary, Şahmarovtar otbasynyŋ kışkentai ǧana perıştesı Emir "jūlyn būlşyqetınıŋ atrofiiasy" diagnozymen auyratyn. Aurudyŋ damuyn toqtatu üşın ekı jasqa tolǧanǧa deiın «Zolgensma» ineksiiasyn alu kerek. Būl preparattyŋ qūny bır milliard teŋgenı qūraidy. Emirdıŋ emıne arnalǧan ülken qorǧa türlı blogerler men änşıler, qoǧam belsendılerı men tanymal jandar at salysqan edı. Aita keter bolsaq, tanymal bloger "JanSerigi" qaiyrymdylyq qorynyŋ avtory, būǧan deiın de talai jannyŋ armanyn oryndauǧa ülesın qosqan Janserık Qadyrbaev bır täulıktıŋ ışınde 30 million qarajat jinady. Onyŋ sözınşe, būl avtorlyq qorynyŋ tarihynda alǧaş jinalǧan qomaqty soma.
"Adyrna" ūlttyq portaly
Ūqsas jaŋalyqtar
