Daryndy dáriger, myqty neırohırýrg Myńjylqy Berdiqojaev Shymkentke qonys aýdardy. Bul týraly Shymkent qalasy ákiminiń birinshi orynbasary Shyńǵys Muqan feısbýk áleýmettik jelisinde habarlady.
Elimizdegi úzdik mamandar úshinshi megapolıstiń damýy men gúldenýine úlesin qosý maqsatynda Shymkentke qonys aýdarýda.
Shymkent basshylyǵy bilikti dárigermen byltyrdan beri kelissóz júrgizip kelgen.
– Berdiqojaev ataqty “Sovmınkanyń” neırohırýrgııa bóliminiń jetekshisi. Myńjylqyny búkil Qazaqstannan izdep keledi. Konsýltaııasyna kezekke turady. Tipti bir-birinen estip, Qyrǵyzstan men Ózbekstannan da Myńjylqyny izdep kelip jatqan naýqastar bar. Sheteldikterge jasalǵan ár otasy 20 myń dollarǵa baǵalanady. Ol qarjy elge, densaýlyq salasyna keledi. Qazir qarjy naýqastyń izinen júredi. Eger naýqastar Oraldan nemese Semeıden ota jasaý úshin Shymkentke keletin bolsa, qarjy da Shymkentke keledi, – dep málimdedi Shyńǵys Muqan.
Myńjylqy Berdiqojaev – Qaraǵandy memlekettik medıına akademııasynyń túlegi, «Bolashaq» baǵdarlamasymen Reseı áskerı-medıınalyq akademııasynda (Sankt-Peterbor) klınıkalyq tájirıbeden ótken. 2008 jyldan bastap Astana qalasyndaǵy Ulttyq neırohırýrgııa ortalyǵynda mı-qan tamyrlary bóliminde jumys istedi. 2014 jyly Almatydaǵy №7 qalalyq aýrýhanada ıntervenııalyq hırýrgııa bólimin ashýǵa muryndyq boldy. Munda alǵashqy 2 jylda-aq ońtústik oblystardaǵy naýqastardyń mı tamyrlaryna 330 ota jasaldy. Otandyq endovaskýlıarly neırohırýrgııanyń negizin qalaǵan Myńjylqy Berdiqojaev 2016 jyldan Almaty qalalyq Ortalyq klınıkalyq aýrýhanada neırohırýrgııa bóliminiń meńgerýshisi boldy.
Shyńǵys Jumabekulynyń málimdeýinshe, Shymkent ákimdigi medıına týrızmine de kóp kóńil bólip otyr.
– Sanaýly jyldardan soń halyqtyń kóbi Shymkentke kelip emdeletin bolady. Qazir memlekettik-jekemenshik áriptestik arqyly Shymkentte 1000 tósek-oryndyq sýperzamanaýı, servısi 5 juldyzdy qonaqúıdeı aýrýhana salý boıynsha jumystar júrgizilýde. Iske qosylǵan soń, Túrkııa nemese Koreıaǵa emdelýge baratyndar attyń basyn Shymqalaǵa buratyn bolady. Jalpy, Shymkent qalasynyń densaýlyq saqtaý salasynyń aldynda turǵan mindet mynadaı, qaladaǵy aýrýhanalardyń bir bólimi bolsa da respýblıkalyq dárejede qyzmet kórsete alýy tıis. Bizdiń №1 aýrýhana transplantologııa boıynsha, №2 aýrýhana neırohırýrgııa boıynsha mamandanǵan salasynyń Qazaqstandaǵy «nómir birinshi» bolýy kerek. Medıına týrızmin damytý úshin mamandarymyz myqty bolýy qajet, - dedi Sh. Muqan.
«Adyrna» ulttyq portaly
