Qazaqstan Eýrazııalyq ekonomıkalyq odaqta taǵy 10 jyl bolsa, odan keıingi ýaqytta Qazaqstannyń derbes ekonomıkalyq damýy jaıynda sóz qozǵaýdyń ózi absýrd sııaqty. Bul ekonomıkalyq odaqta Qazaqstannyń ishki nemese syrtqy naryǵy da baılaýly. Ózdiginen shıkizatty tikeleı syrtqy naryqqa shyǵara almasa, ishki jáne syrtqy naryǵynda da ózara básekelestikke erkin jol ashpasa, onda damý jaıynda sóz qozǵaý bekershilik.
Qazaqstanǵa syrttan keletin sheteldik markaly kólikter asyp-tasyǵan baǵamen kelip jatqan joq, ony bizde osy odaqtyń paıdasyn kórip otyrǵan dıstrıýbıtorlar qymbattatyp otyr. Teńge rýbldiń tasasynda tur. Bularǵa halyqtyń jaǵdaıynyń qandaı bolǵany túkke keregi joq. Munymen qosa qurylys zattary da tegis qymbattap ketti. Qurylys zattary qymbattasa, baspana da qymbattaıdy.
Búgin avtobazarlardaǵy kólikterdiń baǵasyn kórip qaıttym. Bári 25 paıyzǵa deıin qymbattaǵan. Odaqtyń kesirinen Reseıdiń saqyrlaǵan qańyltyrlary elge qaptap kelip jatyr. Tipti biz Soǵystan oısyrap jeńilgen, ekonomıkasy quldyrap ketken Armenııanyń da kólikterine talasyp otyrmyz.
Bizdiń kórshimiz Ózbekstan kerisinshe Qytaı naryǵyna qaraı oıysyp, Qyrǵyzstan terrıtorııasy arqyly temir joldyń isine kirisip ketti. Úlken naryqqa jol ashpaq. Erteń ózbek aǵaıyn óziniń barlyq aýylsharýashylyq ónimderin Qytaıǵa toqtaýsyz eksporttaıdy. Ózbek pysyq, utary kóp bolady. Biz otyrmyz ózimizben ózimiz úreılenip, qytaıqul, orysqul dep. Menińshe osylaı otyra berý jalǵasyn taba berse, biz artta qala beremiz. Oǵan kepildik berýdiń keregi joq. Kózge kórinip turǵan dúnıe.
Eýrazııalyq ekonomıkalyq odaq Reseıdiń mańaıyndaǵy elderge jasaǵan okkýpaııasy. Bul tek Reseıdiń múddesi úshin ǵana jumys jasap tur. Orysty osy odaqtaǵy elder týra burynǵy KSRO sııaqty asyrap otyr. Batystan tóngen sankııany da oryspen birge kóteredi. Tipti orys odaqtaǵy basqa elderdiń ekonomıkasyn batysqa qarsy alǵa salyp qoıady.
Bizdiń eldegi kólikterdiń, qurylys materıaldarynyń jappaı kóterilip jatqany da Reseıge qarsy AQSh-pen EO-nyń sankııasynan tikeleı iske asyp otyrǵanyn umytpańyz. Sebebi, Eýrazııalyq odaqtamyz. Qan tamyryndaı bir júıedemiz. Ekonomıkalyq saıasatty birge júrgizemiz. Ulttyq ekonomıka mınıstriniń "Reseıden bizdiń naryǵymyz táýelsiz, sondyqtan batystyń sankııasy bizge soqpaıdy, Reseı ekonomıkasyna soǵady" dep aıtty. Mınıstr aıta beredi.
Bekbolat QARJAN,
"Adyrna" ulttyq portaly
