Elimizde aýyl sharýashylyǵy maqsatyndaǵy jerler jekemenshikte emes, tek memlekettiń quzyrynda bolýy kerek. Bul týraly Jer reformasy jónindegi komıssııanyń 1-otyrysynda Senat depýtaty Aqylbek Kúrishbaev aıtty, dep habarlaıdy «Adyrna» ulttyq portaly QazAqparatqa silteme jasap.
«Qazaqstan úshin aýylsharýashylyǵy maqsatyndaǵy jer jaı ǵana óniris quraly emes, eń aldymen bul - bizdiń ulttyq ıgiligimiz, ata-babamyzdan qalǵan tarıhı muramyz, búkil halqymyzdyń baılyǵy jáne onyń basty qundylyǵy. Meniń jeke pikirim, Qazaqstandaǵy aýyl sharýashylyǵy maqsatyndaǵy jerler jekemenshikte emes, tek memlekettiń quzyrynda bolýy kerek. Eń aldymen bul bizdiń geosaıası jaǵdaımyzǵa baılanysty. Aýyl sharýashylyǵy jerleriniń kólemi boıynsha biz álemde 6-orynda turmyz. Al egistik alqaptary boıynsha jan basyna shaqqanda Avstralııadan keıin ekinshi oryndamyz. Iaǵnı, bir adamǵa shamamen 1,3 gektar egistik jer keledi. Basqasha aıtqanda, bizde halyq tyǵyzdyǵy óte tómen. Sondyqtan memlekettiń ulttyq qaýipsizdigin qamtamasyz etý úshin jer resýrstarymyzdyń jekemenshikte emes tek qana memlekettik menshikte bolǵany mańyzdy. Jer tek jalǵa berilýi tıis», - dedi komıssııanyń birinshi otyrysynda senator.
Onyń atap ótýinshe, álemdik tájirıbede mundaı mysaldar bar. Máselen, naryqtyq ekonomıkasy damyǵan Izraılde barlyq aýyl sharýashylyǵy jerleri memlekettiń quzyrynda.
