Taǵy da sankııa
AQSh pen Ulybrıtanııa Reseıdiń syrtqy memlekettik qaryzdary men qundy qaǵazdaryna, oblıgaııalary men memlekettik akııalaryna sankııa jarııalady.
AQSh pen Ulybrıtanııa Reseıdiń syrtqy memlekettik qaryzyna shúıligip, sheteldik ınvestorlarǵa Reseıdiń qundy qaǵazdary men oblıgaııalaryn, memlekettik akııalaryn satyp alýǵa tyıym saldy. Bul aldaǵy ýaqytta Reseıdiń naryǵy men ekonomıkasyna aýyr soqqy bolatyn boldy dep reseılik RIA Novostı shýlap ketti.
Halyqaralyq ekonomıkalyq ekspertterdiń aıtýynsha, Reseılik qundy qaǵazdar men oblıgaııalardy, akııalardy satyp alýǵa qoıylǵan shekteý Reseı naryǵyna eki jaǵdaıda aýyr soqqy bolyp tıedi:
1. Federaldi zaımdaǵy oblıgaııalardyń aınalymy toqtaıdy, oǵan qatań shekteý bolady.
2. Amerıkalyq, eýropalyq kompanııalarda reseılik qundy qaǵazdar men oblıgaııalardyń, akııalardyń quny toqyrap ketedi.
Bul eki nusqa Reseı memlekettik qaryzy men ishki naryǵyna da aýyr soqqy bolmaq.
AQSh sonymen qatar 2019 jylǵy "Skrıpal" isi boıynsha da reseılik qarjy aınalymdaryn bloktap, Amerıkalyq bankterdegi qarjy aǵymyn shekteýdi qolǵa aldy. Jaqynda Reseıdiń memlekettik syrtqy qaryzyna da sankııa jarııalanady dedi Financial Times. Biraq munyń eýropalyq kóptegen kompanııalarǵa da keri áseri bolmaq. Bul jolǵy Reseıge jarııalanatyn sankııany AQSh pen Ulybrıtanııa birge iske asyrmaq.
Álemdik naryqta Reseı rýbli eshqandaı da ózgeris jasaı almaıdy. Reseılik valıýta baǵamy barǵan saıyn tómendemese, ózgerissiz qaltyrap tur. Bizdiń teńge rýblge baılanǵan. Teńgeniń taǵdyry rýblge baılanysty. Erteń reseılik valıýtaǵa qosymsha soqqy tıse, bizdiń teńge basy aýǵan jaqqa qańǵyp ketkeli tur...
Bekbolat QARJAN,
"Adyrna" ulttyq portaly
