Mahambet Dosmuhambetov "Parasat joly" jobasynyń ereksheligin atap ótti

2778
Adyrna.kz Telegram

Aǵymdaǵy jyldyń 16 naýryzynda QR Sybaılas jemqorlyqqa qarsy is-qımyl agenttiginiń ókilderi oblys ákimi Mahambet Dosmuhambetovpen kezdesti.

Kezdesý barysynda Agenttik ókilderi qatysýshylardyń nazaryn "Adaldyq alańy" jobasynyń mańyzdylyǵyna aýdardy, bul joba elimizdiń sybaılas jemqorlyqqa qarsy qozǵalysynyń ortalyǵy bolyp tabylatynyn atap ótti.

Jergilikti atqarýshy organdar halyqpen tikeleı ózara is-qımyldy jáne baılanysty ornata alý qabileti, turǵyndardyń ózekti máseleleri boıynsha der kezinde sheshim qabyldaı bilýi ákimdik qyzmetiniń basty baǵyty bolýy qajet - dep atap ótti Agenttik Tóraǵasynyń keńesshisi Jazıra Jylqyshıeva.

Kezdesýge qatysýshylar óz tájirıbelerimen bólisip, turmystyq sybaılas jemqorlyqqa qarsy is-qımyldyń jáne memlekettik qyzmet kórsetý sapasyn arttyrýdyń jańa ádisterin usyndy.
Kezdesýde qoǵam qaıratkeri, jazýshy Sádibek Túgel qoǵamda dástúrli halyq qundylyqtaryn dáripteý, aınalasyndaǵylarǵa qurmet kórsetý, bilim men eńbekke umtylý qajettigin atap ótti.

"Bizdiń qyzmetimizdegi mańyzdy aspekt azamattyq qoǵammen ózara is-qımyl bolyp tabylady. Búgingi kúni Ashyq ortalyqtar elimizdiń, qalamyzdyń qurmetti azamattary men shyǵarmashyl zııaly qaýym ókilderiniń ıgiligi úshin ıgi ıdeıalar men bastamalardy tartý núktelerine aınalady dep oılaımyn"

Kezdesý qorytyndysy boıynsha óńir basshysy Agenttiktiń ashyqtyq qaǵıdattary men parasattylyq ıdeologııasyn ilgeriletý jónindegi barlyq bastamalaryn qoldady.

Pikirler