Qaraǵandyda dárigerler alǵash ret "HaıatVak" vakınasyn alǵan stýdentke "Spýtnık-V" vakınasynyń ekinshi komponentin salyp jibergen dep habarlaıdy "Adyrna" ulttyq portaly "KTK" arnasyna silteme jasap.
Osy jaǵdaıdan keıin endi ekpe ortalyqtarynda ár vakına úshin jeke kabınetter ashylatyn boldy.
Naqtyraq aıtsaq, Qaraǵandyda 19 jastaǵy stýdent qyz ben onyń ápkesi vakınanyń ekinshi komponentin alýǵa birge kelgen. Sińlisi ekpege kirip shyqqannan keıin ózine salynǵan ekpeniń "Spýtnık-V" ekenin baıqaǵan. Buǵan deıin ekeýi de "Haıatty" alǵan. Stýdentke ekinshi komponentti "Spýtnıkten" salyp jibergeni anyqtalǵan.
Búginde onyń densaýlyǵy birqalypty. Stýdent qyz vakınany Sankt-Peterborǵa oqýǵa bararda qıyndyq týmasyn dep óz erkimen saldyrypty. Endi ol kún saıyn óziniń densaýlyǵy jaıynda dárigerlerdi habardar etýi tıis. Al komponetterdi shatastyryp alǵan medbıke jazalandy.
"Qate jibergen medıına qyzmetkerine tártiptik jaza qoldandyq. Ol ekpe jumystarynan shettetildi. Shatystyrmas úshin endi vakınanyń ár túrine jeke kabınetter belgilendi. Al eki túrli vakınanyń komponetterin alǵan Qaraǵandy qalasynyń turǵyny bizdiń erekshe baqylaýymyzǵa alyndy. Tipti bul jóninde respýblıkalyq dárigerler konsılıýmyn ótkizýdi josparlap otyr", - deıdi Qaraǵandy qalasy №1 emhana dırektorynyń orynbasary Irına Kýzneova.
Dárigerler ekpe alatyn azamattarǵa barynsha muqııat bolýǵa keńes beredi.
"Adyrna" ulttyq portaly.
