Atyraýda Jergilikti bıýdjet kirisi 20 mlrd teńgege artyq oryndaldy

3126
Adyrna.kz Telegram

.Bul týraly oblystyq máslıhattyń 2 sessııasynda Atyraý oblysy boıynsha Memlekettik kirister departamenti basshysynyń orynbasary málim etti.

Otyrysqa aımaq basshysy Mahambet Dosmuhambetov, oblystyq máslıhat depýtattary, qoǵamdyq keńes tóraǵasy, basqarma basshylary, onlaın rejımde aýdan ákimderi qatysty.

«Jergilikti bıýdjet boıynsha boljam 350,4 mlrd. teńge bolsa, 371,1 mlrd. tenge kóleminde naqty tólem túsip, boljam 20,7 mlrd. teńgege nemese 105,9 paıyzǵa artyǵymen oryndaldy»,- dedi Atyraý oblysy boıynsha Memlekettik kirister departamenti basshysynyń orynbasary Beken Shanaev.

Sondaı-aq, pandemııaǵa baılanysty 187 myńǵa jýyq qyzmetkeri bar shaǵyn jáne orta bıznestiń 12 myńǵa jýyq salyq tóleýshileri ustalatyn salyqtar men áleýmettik tólemderden bosatylǵan.

Sonymen qatar, B.Shanaev Departamentpen 953 079 memlekettik qyzmet kórsetilse, onyń 928 162 nemese 97,4 paıyzy elektrondy túrde usynylǵanyn jetkizdi.

Jıyn sońynda óńir basshysy Mahambet Dosmuhambetov «ár qabyldanǵan sheshim jumysty ári qaraı jandandyrýǵa oń yqpal etetinin, josparlanǵan jumystar óz ýaqytynda jáne sapaly oryndalý qajettigin» basa aıtty.

Pikirler