Búgingi tańda Aqmola oblysy Arshaly aýdany Jibek Joly aýylynda Imanjúsip Qutpanuly atyndaǵy orta mektep bar. Atalǵan oqý ordasynda daraboz tulǵa atynda shaǵyn mýzeı jumys isteıdi. Oǵan Raýshan Nurhanqyzy jetekshilik etedi.
- Ákem maǵan: «Birinshi, atamnyń súıegi jatqan jerin anyqta, ekinshi, sýretin taýyp al» dep amanat júktep edi. Ekeýi de oryndaldy. Atam aqtalǵannan beri sony elge tanytý, muralaryn jınaqtap kitap shyǵarý jumystarymen aınalysyp kelemin. Mektep mýzeıi de ashyldy. Munda atamnyń kóptegen dúnıeleri bar. Óz qolymen balasy Nurhanǵa jasaǵan ertoqymy, atynyń júgeni, jabýy bar. Ol kisi jaıynda jazylǵan qanshama derekter jınaqtaldy. Týǵan-týystarynyń sýretteri saqtaldy. Eger qarjy tabylyp jatsa, osy mýzeıdi odan ári kórkeıtip, el aıaǵy úzilmeıtin ortalyqqa aınaldyrsam deımin. Bizdiń áýletimiz de qýǵynnan kóz ashpady. Ákem atamnan on jasynda jetim qalady. Odan keıin bas saýǵalap Ózbekstanǵa ótedi. Sol jaqtan elge 1946 jyly oralady. Sodan ákesiniń týystaryn izdeıdi. Áıteýir, olardy izdep tabady. Ákesiniń jazyqsyz ekenin aıtyp, joǵaryǵa hat jazady. Sonyń barlyǵy mende saqtaýly. Imanjúsiptiń qyzy Kúlánda ájemiz jasy 102-ge kelip, dúnıeden ozdy. Solardyń estelikterin jazyp aldym. Qanshama kórnekti tulǵalardyń kómegin kórdim. Ideıa kóp. Sonyń barlyǵyna qarjy qolbaılaý bolyp tur. Aýyldyq irgede bizdiń áýlettiń zıraty bar. Sony ákimdik qorshap beremiz dep otyr. Endi aıta berse atqarylmaq jumys kóp. Sonyń barlyǵy da - atam úshin jasalyp jatqan taǵylymdy is, - deıdi tektiniń tuıaǵy.
KAZMUSEUM.KZ
