10-naýryzda UBT bastalady

2398
Adyrna.kz Telegram

Joǵary oqý ornynyń aqyly bólimine túsýdi josparlaǵan talapkerler úshin uıymdastyrylatyn naýryz aıyndaǵy Ulttyq biryńǵaı testileý kompıýterlik formatta ótedi. Eger buǵan deıin kóktem aıyndaǵy testileý tek 10 kúnge sozylsa, bıyl qatysýshylarǵa 1 aı ýaqyt berildi, dep habarlaıdy «Adyrna» tilshisi BǴM baspasóz qyzmetine silteme jasap.

Naýryzdaǵy UBT-ǵa qatysý úshin app.testcenter.kz siltemesi boıynsha tirkelý qajet.

Pánder sany ádettegideı beseý: úsh mindetti jáne eki beıindik pán boıynsha testileý júrgiziledi. Testileýge jalpy 4 saǵat (240 mınýt) beriledi. Maksımaldy ball – 140.

«JOO-nyń aqyly bólimine oqýǵa túsýge nıet bildirgender Ulttyq testileý ortalyǵynyń saıty arqyly tirkele alady. Kóktemdegi UBT 10 naýryzda bastalyp, 10 sáýirge deıin jalǵasady. Testileý elektrondyq formatta "bir testilenýshi – bir kompıýter – bir kamera" qaǵıdasy boıynsha ótedi. Sondaı-aq proktorıng júıesi qoldanylady, beınebaqylaý ornatylady. Tulǵany ıfrlyq sáıkestendirý júıesi – Face ID UBT-ǵa qatyspaq bolǵan bóten adamdardy anyqtaýǵa múmkindik beredi. Osynyń barlyǵy akademııalyq adaldyq qaǵıdalarynyń saqtalýyn baqylaýdy kúsheıtýge jaǵdaı jasaıdy», – dedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

UBT ótkizý kezinde sanıtarlyq talaptar saqtalatyn bolady.

«Adyrna» ulttyq portaly

Pikirler