Joǧary oqu ornynyŋ aqyly bölımıne tüsudı josparlaǧan talapkerler üşın ūiymdastyrylatyn nauryz aiyndaǧy Ūlttyq bıryŋǧai testıleu kompiuterlık formatta ötedı. Eger būǧan deiın köktem aiyndaǧy testıleu tek 10 künge sozylsa, biyl qatysuşylarǧa 1 ai uaqyt berıldı, dep habarlaidy «Adyrna» tılşısı BǦM baspasöz qyzmetıne sılteme jasap.
Nauryzdaǧy ŪBT-ǧa qatysu üşın app.testcenter.kz sıltemesı boiynşa tırkelu qajet.
Pänder sany ädettegıdei beseu: üş mındettı jäne ekı beiındık pän boiynşa testıleu jürgızıledı. Testıleuge jalpy 4 saǧat (240 minut) berıledı. Maksimaldy ball – 140.
«JOO-nyŋ aqyly bölımıne oquǧa tüsuge niet bıldırgender Ūlttyq testıleu ortalyǧynyŋ saity arqyly tırkele alady. Köktemdegı ŪBT 10 nauryzda bastalyp, 10 säuırge deiın jalǧasady. Testıleu elektrondyq formatta "bır testılenuşı – bır kompiuter – bır kamera" qaǧidasy boiynşa ötedı. Sondai-aq proktoring jüiesı qoldanylady, beinebaqylau ornatylady. Tūlǧany sifrlyq säikestendıru jüiesı – Face ID ŪBT-ǧa qatyspaq bolǧan böten adamdardy anyqtauǧa mümkındık beredı. Osynyŋ barlyǧy akademiialyq adaldyq qaǧidalarynyŋ saqtaluyn baqylaudy küşeituge jaǧdai jasaidy», – dedı QR BǦM Joǧary jäne joǧary oqu ornynan keiıngı bılım departamentınıŋ direktory Ädılet Toibaev.ŪBT ötkızu kezınde sanitarlyq talaptar saqtalatyn bolady.
«Adyrna» ūlttyq portaly
Ūqsas jaŋalyqtar
