1 naýryz - Alǵys aıtý kúnine oraı «30 qaıyrymdy is» respýblıkalyq marafony bastalyp, az qamtylǵan otbasyǵa bir páter, 700 otbasyǵa jyldyq azyq-túlikpen qamtamasyz etý úshin alǵashqy sertıfıkattar tapsyryldy.
Is-sharada Alǵys aıtý kúnimen quttyqtaǵan Atyraý oblysynyń ákimi Mahambet Dosmuhambetov óńir halqyna alǵys aıtty.
«Qurmetti jerlester, Sizderge myń alǵys! Búgin birneshe mańyzdy datalar toǵysqan kún. 1 naýryz – tek «Alǵys aıtý» merekesi ǵana emes, Qazaqstan halqy Assambleıasy men «Nur Otan» partııasynyń da qurylǵan kúni. Sondyqtan da mańyzdy kúnniń mártebesi árdaıym arta bersin! Atalǵan qurylymdar Táýelsizdiktiń tuǵyrly bolýy úshin erekshe ról atqardy. Olardyń memleket saıasatyn júrgizýdegi, sondaı-aq eldegi beıbitshilik pen kelisimdi nyǵaıtýdaǵy alar orny erekshe»,- degen Mahambet Dosmuhambetov bıyl Táýelsizdigimizdiń 30 jyldyǵy aıasynda qaıyrymdylyq marafony bastalǵanyn jáne barsha atyraýlyqtardy osy ıgi iske atsalysýǵa shaqyrdy.
Sonymen qatar, ótken jyl kúlli álem úshin de, elimiz úshin de kúrdeli synaqtarǵa toly bolǵanyna toqtalǵan óńir basshysy tótenshe jaǵdaı kezinde atyraýlyqtar qaıyrymdylyqtyń jarqyn úlgisin kórsetkenin rızashylyqpen atap ótti. Sosyn birqatar iri kompanııaǵa, medıına men áleýmettik sala qyzmetkerleri, quqyq qorǵaý organy ókilderi, eriktiler, meenattar sondaı-aq muǵalimder jáne ózge de atsalysqandarǵa arnaıy rızashylyǵyn jetkizdi.
Óz kezeginde Qazaqstan halqy assambleıasynyń Atyraý oblysyndaǵy etnomádenı ortalyǵy «Thonıl» káris etnomádenı birlestiginiń jetekshisi Lıýdmıla Valentınovna Assambleıasynyń negizin qalaǵan Elbasyna, yntymaǵy jarasqan Qazaqstan halqyna alǵys aıtty.
Atalǵan is-shara sheńberinde qala sondaı-aq aýdan ákimderi jergilikti kásipkerler arqyly az qamtylǵan 700 otbasyny jyldyq azyq-túlikpen qamtamasyz etý úshin alǵashqy sertıfıkattar tabys etiletinin habarlady. Al ondaǵan jyl bir bómeli úıde turyp kelgen jeti balaly otbasyǵa demeýshilik arqyly Atyraý qalasynan 2 bólmeli páterdiń kilti berildi.
Sonymen qatar, «Atameken ulttyq kásipkerler palatasy janyndaǵy «Atyraý oblysy isker áıelder qaýymdastyǵy» tóraıymy Gúljan Muhataeva eki jasóspirimniń emine jáne múmkindigi shekteýli medıına qyzmetkerine qarjylaı qoldaý bildirip, sertıfıkattar tabystady.
Al, qaıyrymdylyq marafony sheńberinde oblystyq ishki saıasat basqarmasynyń ujymy onkologııalyq syrqatpen aýyratyn balalar úshin oblystyq balalar aýrýhanasyna 5 dana planshet tabys etti.
