Densaýlyq saqtaý mınıstri Alekseı oı Prezıdentke elimizdegi epıdemıologııalyq jaǵdaı, ekpe egý jumystarynyń barysy týraly baıandap berdi. Onyń aıtýynsha, álemde koronavırýs indetiniń jańa «Lıambda» shtammy paıda bolǵan. Bul vırýs alǵash ret 2020 jylǵy jeltoqsanda Perýde tirkelgen. Búginde indettiń osy túrin 30 memlekette, negizinen Soltústik jáne Ońtústik Amerıka men Eýropa elderinde 3 myńǵa jýyq adam juqtyrǵan dep habarlaıdy "Adyrna" ulttyq portaly.
Alekseı oı Qasym-Jomart Toqaevqa birqatar óńirde karantın sharalarynyń kúsheıtilgeni, juqpaly aýrýlar staıonarlary men jan saqtaý bólimderinde em qabyldap jatqan naýqastar sany, dári-dármekter men basqa da qajetti jabdyqtar qory, vakına salý qarqyny baıaý óńirlerge kórsetilip jatqan ádistemelik kómek jaıynda málimet bergen.
Onyń aıtýynsha, maýsym aıyndaǵy jaǵdaımen salystyrǵanda shildeniń sońǵy eki aptasynda indet juqtyrǵandardyń sany 4,8 esege kóbeıgen.
Kúndelikti júrgizilgen monıtorıng boıynsha 24 shildedegi málimetke sáıkes, juqpaly aýrýlar bólimderiniń 51 paıyzynda, jan saqtaý bólimderiniń 41 paıyzynda naýqastar em qabyldap jatyr.
Vırýs juqtyrǵandar sanynyń kóbeıýine jáne densaýlyq saqtaý júıesine túsken salmaqtyń artýyna baılanysty shilde aıynda qosymsha 10 myń tósek-oryn ázirlendi.
Qazirgi ýaqytta 21,4 myńǵa jýyq oryn rezervte tur.
"Adyrna" ulttyq portaly.
