Ötken ǧasyrdyŋ 60-jyldary Torǧai jerıne de özge ūlt ökılderı aǧylyp kele bastaǧan-dy. Ärine, jergılıktı halyq olardy jatyrqaǧan joq. Qolyndaǧy barymen bölısıp, bauyryna tartty.
Seksennıŋ seŋgırıne şyqqan ardager poştaşy Fazylhan Maudanov ta köp jyl boiy Erevannan hat alyp tūrǧan eken. Armian ūltynyŋ jıgıtterımen tanystyǧy keiın dostyqqa ūlasqan. Qostanailyq qariia mūny kezınde jergılıktı halyqtyŋ qamqorlyǧyn körgen armian dostarynyŋ adal peiılı dep sanaidy.
Qazaqtar türlı taǧdyrmen kelgen özge ūlys ökılderın jatsynbai, bauyryna basty. Dastarhandaǧy dämımen bölıstı. Osylaişa, adamgerşılıktıŋ zor ülgısın körsettı. Sosyn būl – özımızge-özımız emes, özge ūlt ökılderınıŋ qazaq halqyna alǧys aitatyn künı! Mūny eşqaşan ūmytuǧa bolmaidy. Alǧys aitu künı merekesınıŋ maŋyzy da osynda, – deidı ol.
Ardagerdıŋ aituynşa, soǧystan keiın, kolhozdar qūrylyp jatqan uaqytta Torǧai jerıne özge ūlt ökılderı kele bastaǧanyna kuä bolǧan.
Keibırı elıne qaitqannan keiın de qimastyq sezımmen köp jyl boiy hat jazyp tūrdy. Qazaq halqynyŋ adal, kışıpeiıl, bauyrmal jūrt ekenıne közı jetken ǧoi. Sondai hattardy talai märte ielerıne tabystaǧanbyz. Sosyn bız sen – armiansyŋ, gruzinsıŋ degen joqpyz, dostarymyz siiaqty aralastyq. Totosian Sergei Hosatunovich, Asaturian Artem Mihailovich degen armiandar boldy, olar Jaŋa jylda qūttyqtap, tuu sonau Erevannan sälemdeme salyp tūrdy, – deidı qart poştaşy.
Fazylhan Maudanov bügınde Qostanai qalasynda tūrady. Körşılerı de özge ūlt ökılderı. Olarmen de tatu-tättı – bır üidıŋ balalaryndai aralasyp-qūralasyp tūrady eken.
Qazır elımızde jüzdegen diaspora ökılderı ömır sürıp jatyr. «Yntymaqty elge baq tūrady», beibıt künde adal eŋbek etıp, ortaq Otanymyz Qazaqstanǧa alǧys bıldıruımız kerek, – deidı Fazylhan Maudanov.
Eŋbek ardagerı 1956 jyly onjyldyqty bıtırgen soŋ, 2005 jylǧa deiın bailanys salasynda jūmys ıstegen. Poşta salasyna 49 jyl ömırın arnaǧan. Adal eŋbegı aqtalyp, «Eren eŋbegı üşın» medalı men «Eŋbek Qyzyl Tu» ordenın keudesıne qadaǧan.
Täuelsızdıgımızdıŋ 30 jyldyq mereitoiy qūtty bolsyn! Elımız mäŋgı boluy üşın aianbai adal eŋbek etu kerek, – dedı ardager söz soŋynda.
Basqalarmen bölıse
otyryŋyz
