Shymkent qalasyndaǵy jeke úılerdiń birinde gaz jarylyp, saldarynan alty adam zardap shekti, dep habarlaıdy «Adyrna» tilshisi «Habar 24»-ke silteme jasap.
Qaıǵyly oqıǵa Qursaı shaǵyn aýdanynda bolǵan. Tabıǵı gaz úıge bir kún buryn ǵana tartylǵan eken. San jylǵy azaptan aryldyq pa degen turǵyndarǵa ańdaýsyzda apat qurbanyna aınala jazdady. Qazir úsh adam aýrýhanada jatyr. Erli-zaıyptylardy qatty kúıik shalǵan. Aýrýhana tósegine olardyń týysy da tańylypty. Abyroı bolǵanda, balalary aman qalǵan. Al úı tolyǵymen qırap qalǵan. Qazir mamandar úıindini tazalap jatyr.
Aýdan ákimdigi zardap shekkenderdi baspanamen qamtamasyz etýge ýáde berip otyr. Qazir apat boıynsha tergeý bastalyp, tehnıkalyq saraptama taǵaıyndaldy.
« Ózderińiz kórip otyrsyzdar, osy úıdiń kólemi 120 sharshy metrdi quraıdy. Osy úıdiń 30 sharshy metrge jýyǵy qazirgi tańda qıraǵan. Úı jaramsyz jaǵdaıǵa kelgen. Qazir arnaıy QazTransGaz mekemesi tekserý jumystaryn júrgizip, qosymsha sebepterin anyqtap aıtamyz»,-dedi TJD bastyǵynyń m.a. Amanbek Beısembaev.
«Adyrna» ulttyq portaly
