Prezıdent Qasym-Jomart Toqaev «Parlamenttik oppozıııa» zań jobasyna qol qoıdy. Jańa zań jobasy aldaǵy ýaqytta qalaı jumys isteýi múmkin, parlamentke shynaıy oppozıııa kele me degen suraqtar boıynsha «Adyrna» ulttyq portaly saıasattanýshylar Dos KÓShIM men Rasýl JUMALYNYŃ pikirin bildi.
Parlamentke oppozıııa kelý úshin saıası partııalar týraly jáne saılaý týraly zań jobasyn jóndeý kerek
Dos Kóshim myrzanyń pikirinshe parlamentke aldaǵy ýaqytta jańa oppozıııalyq partııalar keletin bolsa, jańa zań jobasynyń keregi bar. Al burynnan parlament quramyndaǵy partııalar biz oppozıııanyń rólin atqaramyz dese, «rólin» atqarady, alaıda oppozıııa bolyp tabylmaıdy.
- Parlamenttegi azshylyq jáne oppozıııa deıtin nárse bar. Ekeýi eki túrli másele. Qazirgi tańda bizde parlamentte oppozıııa joq, biraq keleshekte bolýy múmkin. Zań keleshektegi keletin partııanyń jumysyn jeńildetý úshin, sol jerdegi komıtettiń qanshasyn oppozıııaǵa berý kerek degen máseleler boıynsha qajet. Biraq osy zań qabyldanǵannan keıin qazirgi turǵan partııalar ne frakııalar bireýi biz oppozıııanyń rólin atqaramyz dese, bul – balanyń oıyny sekildi uıat nárse.
Saıasattanýshy bılik parlamentke oppozıııa ákelý týraly másele qoıyp otyrǵan joq, parlamenttegi azshylyqqa oppozıııa degen at berý ǵana degen pikirde.
- Parlamentke oppozıııa kelý úshin, saılaý týraly, saıası partııalar týraly zań jobasyn ózgertý kerek. Meniń oıymsha, ondaı másele bılikte qaralǵan joq. Biz aıtyp jatqan saıası partııalar týraly zańda partııaǵa múshe adam sanyn qyryq myńnan jıyrma myńǵa túsirdi. Osy ǵana. Al onyń ishinde kóptegen ózgertetin baptar bar. Men oılap edim, keminde on shaqty dóńgelek ústelder bolady, teledıdardan túrli saıası shoý bolady, adamdar kelip pikirlerin aıtady dep, bireýi de bolǵan joq.
Bir zań qabyldaı salýmen másele sheshilmeıdi
Belgili saıasattanýshy Rasýl Jumaly jańa zań jobasy durys baǵyttaǵy alǵashqy qadam, demokratııaǵa jetý jolyndaǵy alǵyshart dep biledi.
- Memlekettiń, qoǵamnyń birqalypty damýy úshin demokratııa kerek. Al demokratııanyń negizgi alǵysharty – oppozıııa. Oppozııaııa degen otyryp alyp birjaqty bılikti synaý emes, balama pikir, balama baǵdarlama usyný. Biz erte me kesh pe shynaıy oppozıııaǵa kelýimiz kerek. Osy turǵydan alǵanda jańa zań jobasyn jaqsy qadam dep baǵalaýǵa bolady. Sebebi oppozıııa parlamentte bolý kerek degen túsiniktiń engizilýiniń ózi quptarlyq sharýa. Biraq birneshe qadamdardyń iske asýy mańyzdy. Máselen, balama pikirdi aıtatyn oppozıııalyq qozǵalystarǵa zań arqyly múmkindik berý. Tirkelýge, saıası alańdaǵy belsendiligin iske asyrýǵa, sóz bostandyǵyna, ádil saılaý ótkizýge. Onyń keıbir qadamdaryn biz qazir kórip te jatyrmyz. Saıası partııalardyń tirkelýine qatysty keıbir shekteýlerdiń alynýy, balama oıdaǵy azamattardyń sherý uıymdastyrýyna jeńildikter berilýi osynyń kórinisi. Árıne áttegen-aı deıtin tustary da bar. Biraq bastamasy jamany emes.
Aǵyn AIDYN, "Adyrna" ulttyq portaly.
