Mihail Saakaşvilidıŋ oppozisiialyq partiiasynyŋ jetekşısı Nik Meliia Gruziia astanasy Tbiliside ūstaldy, - dep habarlaidy «Adyrna» ūlttyq portaly Tengrinews.kz tılşısıne sılteme jasap.
Saakaşvili partiiasy basşysyn ūstau üşın arnaiy jasaq onyŋ keŋsesıne basyp kırıp, közden jas aǧyzatyn gaz qoldanǧan. Ūstau operasiiasy Qoǧamdyq televiziiada tıkelei efirde körsetıldı.
Nik Meliia Gruziianyŋ eŋ ırı oppozisiialyq partiiasy - "Bırtūtas ūlttyq qozǧalysyn" basqarady. Newsgeorgia.ge mälımetterıne süiensek, saiasatkerdı ūstau operasiiasy 3 aqpanda taŋǧy saǧat 7:30-da bastalǧan. Ǧimaratqa jedel järdem kölıgı, satysy bar ekı arnaiy tehnika, sondai-aq jüzdegen polisiia qyzmetkerı kelgen. Taŋǧy saǧat 9-da Meliia ūstaldy.
Saakaşvili partiiasynyŋ jaqtastary da keŋsede bolǧan.
"Ǧimaratta oppozisiia jaqtastary polisiiaǧa qarsylyq körsetpedı. Tünde Meliianyŋ özı olarǧa osyndai ötınış jasaǧan. Alaida kıreberıster men keŋsege kıretın esıkter jihazben jabylǧan. Ǧimaratqa kırgen polisiia jasaǧy keŋsedegı jihazdyŋ köp bölıgın syndyryp, keŋsede bolǧan belsendılerdı şyǧaryp aldy", - dep jazady basylym.
Video kadrlarynan arnaiy jasaq ǧimaratqa syrtynan jäne ışınen şabuyl jasaǧanyn köruge bolady. Olardyŋ bırıne medisinalyq kömek körsetıldı. "Sonymen qatar, nysanda közden jas aǧyzatyn gaz qoldanyldy. IIM qyzmetkerlerı ǧimaratqa gaz ballondaryn laqtyryp, "Qūldar!", "Ūiat!" dep aiǧailaǧan", - dep tüiındeidı basylym.
Sondai-aq, Meliia ne üşın ūstalǧany habarlandy. Ol 2019 jylǧy 20 mausymdaǧy tärtıpsızdıkterdıŋ ūiymdastyruşysy bolǧan. Narazylyqtar Gruziiaǧa Resei Federasiiasy Memlekettık Dumasynyŋ deputaty Sergei Gavrilov kelgennen keiın bastaldy. Ol pravoslavie Parlamenttık Assambleiasyna qatysyp, el parlamentınıŋ mäjılıs zalynda töraǧa boldy. Keşke parlament ǧimaraty janyndaǧy narazylyq aksiiasyna 15 myŋǧa juyq adam jinaldy. Miting polisiiamen qaqtyǧysqa ūlasty.
18 aqpanda Gruziia premer-ministrı Georgii Gahariia otstavkaǧa kettı. Ol otstavkaǧa ketuınıŋ sebebı Nik Meliiany qamauǧa alu turaly sot şeşımınıŋ oryndaluyna qatysty bileuşı partiiamen kelıspeuşılıkten ekenın aitty.
22 aqpanda parlament jaŋa premer-ministrdı taǧaiyndady, ol - būrynǧy qorǧanys ministrı İrakli Garibaşvili.
Ūqsas jaŋalyqtar
