Mıhaıl Saakashvılıdiń oppozıııalyq partııasynyń jetekshisi Nık Melııa Grýzııa astanasy Tbılısıde ustaldy, - dep habarlaıdy «Adyrna» ulttyq portaly Tengrinews.kz tilshisine silteme jasap.
Saakashvılı partııasy basshysyn ustaý úshin arnaıy jasaq onyń keńsesine basyp kirip, kózden jas aǵyzatyn gaz qoldanǵan. Ustaý operaııasy Qoǵamdyq televızııada tikeleı efırde kórsetildi.
Nık Melııa Grýzııanyń eń iri oppozıııalyq partııasy - "Birtutas ulttyq qozǵalysyn" basqarady. Newsgeorgia.ge málimetterine súıensek, saıasatkerdi ustaý operaııasy 3 aqpanda tańǵy saǵat 7:30-da bastalǵan. Ǵımaratqa jedel járdem kóligi, satysy bar eki arnaıy tehnıka, sondaı-aq júzdegen polıııa qyzmetkeri kelgen. Tańǵy saǵat 9-da Melııa ustaldy.
Saakashvılı partııasynyń jaqtastary da keńsede bolǵan.
"Ǵımaratta oppozıııa jaqtastary polıııaǵa qarsylyq kórsetpedi. Túnde Melııanyń ózi olarǵa osyndaı ótinish jasaǵan. Alaıda kireberister men keńsege kiretin esikter jıhazben jabylǵan. Ǵımaratqa kirgen polıııa jasaǵy keńsedegi jıhazdyń kóp bóligin syndyryp, keńsede bolǵan belsendilerdi shyǵaryp aldy", - dep jazady basylym.
Vıdeo kadrlarynan arnaıy jasaq ǵımaratqa syrtynan jáne ishinen shabýyl jasaǵanyn kórýge bolady. Olardyń birine medıınalyq kómek kórsetildi. "Sonymen qatar, nysanda kózden jas aǵyzatyn gaz qoldanyldy. IIM qyzmetkerleri ǵımaratqa gaz ballondaryn laqtyryp, "Quldar!", "Uıat!" dep aıǵaılaǵan", - dep túıindeıdi basylym.
Sondaı-aq, Melııa ne úshin ustalǵany habarlandy. Ol 2019 jylǵy 20 maýsymdaǵy tártipsizdikterdiń uıymdastyrýshysy bolǵan. Narazylyqtar Grýzııaǵa Reseı Federaııasy Memlekettik Dýmasynyń depýtaty Sergeı Gavrılov kelgennen keıin bastaldy. Ol pravoslavıe Parlamenttik Assambleıasyna qatysyp, el parlamentiniń májilis zalynda tóraǵa boldy. Keshke parlament ǵımaraty janyndaǵy narazylyq akııasyna 15 myńǵa jýyq adam jınaldy. Mıtıng polıııamen qaqtyǵysqa ulasty.
18 aqpanda Grýzııa premer-mınıstri Georgıı Gaharııa otstavkaǵa ketti. Ol otstavkaǵa ketýiniń sebebi Nık Melııany qamaýǵa alý týraly sot sheshiminiń oryndalýyna qatysty bıleýshi partııamen kelispeýshilikten ekenin aıtty.
22 aqpanda parlament jańa premer-mınıstrdi taǵaıyndady, ol - burynǵy qorǵanys mınıstri Iraklı Garıbashvılı.
