Zeınetaqy qory: Aqshany qaı em túrine jaratýǵa bolady?

987

Emdelý úshin zeınetaqy qoryndaǵy aqshany merziminen buryn alý portaly 25 aqpanda iske qosylady, dep habarlaıdy  "Otbasy banki" basqarma tóraǵasy Lázzat Ibragımova.

"Sońǵy jańashyldyqtarǵa qatysty ózgeris engizý úshin 3 jumys kúni qajet. Bastapqyda qosylǵan keıbir syrqat túrleri alynyp tastaldy. Qazir barlyq mehanızmdi rettep jatyrmyz. Bul is birneshe kezeńnen turady. Ótinish berýshi óz ótinishiniń "Otbasy banki" portalynan BJZQ saıtyna jiberiliýin eki kúndeı kútetin bolady. Ádette bul bir jumys kúni ishinde jasalady. BJZQ bes kún ishinde aqshany arnaıy esepshotqa aýdarýy tıis", – dedi Lázzat Ibragımova.

18 aqpandaǵy jaǵdaı boıynsha "Otbasy bankinde" 160 myńnan astam arnaıy esepshot ashylǵan. 96 myńnan astam qazaqstandyq baspanaǵa jumsaý maqsatynda ótinish rásimdegen.

"Baǵdarlamany kútip otyrǵan kóptegen adamnyń medıınalyq kartasynda dıagnozy bar. Erejege sáıkes,  adam ótinish bergen soń 5 kún ishinde dárigerler keńesi jınalady. Keńes ótkennen keıin eki kúni ishinde komıssııa hatshysy klıentke naqty jaýap jetkizýi tıis. Komıssııa qorytyndysy portalda klıent bergen ótinish janynda bekitiledi", – dep túsindirdi bank basshysy.

Emdelý úshin biryńǵaı jınaqtaýshy zeınetaqy qorynan aqsha alýǵa ótinish berý mehanızmi baspana jaǵdaıyn jaqsartýǵa bergen ótinishpen birdeı bolady.

Pikirler
Uqsas jańalyqtar