Bügın 18 aqpan künı NASA-nyŋ "Perseverance" atty apparaty Mars planetasyna qonady. Eger bärı sättı ötse apparat aldaǧy uaqytta Mars planetasynda ǧylymi-zertteu jūmystaryn jürgızude ülken rol atqarmaq.
Eŋ qyzyǧy ǧalymdar apparatqa Marstaǧy kömırqyşqyl gazdan adam demaluyna qajettı ottegı öndıretın arnaiy qondyrǧy ornatqan.
Eger test sättı ötse demek Mars planetasynda bar kömırqyşqyl gazdy ottegıge ainaldyruǧa bolady degen söz.
"Perseverance" apparaty Mars planetasyn zerttep, qyzyl planetada bolǧan nemese boluy mümkın mikrobiologiialyq tırşılık ielerın ızdeumen ainalysady. Milliardtaǧan jyl būryn būl planetada tırşılık iesı boldy ma, qazır bar ma degen sūraqtarǧa jauap ızdeidı.
NASA 2025 jyldan keiın apparattyŋ Mars qyrtystarynan jinaǧan zertteu obektılerın jerge äkelıp, saraptamadan ötkızudı de josparlap otyr. Jer grunttarymen Marstan kelgen dünielerdı salystyryp, ǧalamnyŋ jaratylysy, fizika, himiia, biologiia salasynda būryn adamzat balasyna belgısız bolyp kelgen zaŋdylyqtardy aşu men qyzyl planetaǧa adam jıberudıŋ jaŋa joldaryn jetıldırudı közdeude.
Apparatqa "Perseverance" degen atty beru prosesı de qyzyq. Ol üşın AQŞ-ta mektep oquşylary arasynda konkurs jariialanǧan. Oquşylar şyǧarma jazyp, apparatty qalai atau kerektıgı jaily öz oilarymen bölısken. Köp nūsqanyŋ ışınen "Perseverance" iaǧni "Tabandylyq" degen atau taŋdap alynǧan.
Bauyrjan SERIKBAEV,
"Adyrna" ūlttyq portaly
