Búgin 18 aqpan kúni NASA-nyń "Perseverance" atty apparaty Mars planetasyna qonady. Eger bári sátti ótse apparat aldaǵy ýaqytta Mars planetasynda ǵylymı-zertteý jumystaryn júrgizýde úlken rol atqarmaq.
Eń qyzyǵy ǵalymdar apparatqa Marstaǵy kómirqyshqyl gazdan adam demalýyna qajetti ottegi óndiretin arnaıy qondyrǵy ornatqan.
Eger test sátti ótse demek Mars planetasynda bar kómirqyshqyl gazdy ottegige aınaldyrýǵa bolady degen sóz.
"Perseverance" apparaty Mars planetasyn zerttep, qyzyl planetada bolǵan nemese bolýy múmkin mıkrobıologııalyq tirshilik ıelerin izdeýmen aınalysady. Mıllıardtaǵan jyl buryn bul planetada tirshilik ıesi boldy ma, qazir bar ma degen suraqtarǵa jaýap izdeıdi.
NASA 2025 jyldan keıin apparattyń Mars qyrtystarynan jınaǵan zertteý obektilerin jerge ákelip, saraptamadan ótkizýdi de josparlap otyr. Jer grýnttarymen Marstan kelgen dúnıelerdi salystyryp, ǵalamnyń jaratylysy, fızıka, hımııa, bıologııa salasynda buryn adamzat balasyna belgisiz bolyp kelgen zańdylyqtardy ashý men qyzyl planetaǵa adam jiberýdiń jańa joldaryn jetildirýdi kózdeýde.
Apparatqa "Perseverance" degen atty berý proesi de qyzyq. Ol úshin AQSh-ta mektep oqýshylary arasynda konkýrs jarııalanǵan. Oqýshylar shyǵarma jazyp, apparatty qalaı ataý kerektigi jaıly óz oılarymen bólisken. Kóp nusqanyń ishinen "Perseverance" ıaǵnı "Tabandylyq" degen ataý tańdap alynǵan.
Baýyrjan SERIKBAEV,
"Adyrna" ulttyq portaly
