Qazaqstanda Ūlttyq qorǧanys universitetınen “Elbasy” atauy alynyp tastalmaq, dep habarlaidy "Adyrna" ūlttyq portaly.
Qazaqstan Respublikasynyŋ Tūŋǧyş prezidentı – Elbasy atyndaǧy Ūlttyq qorǧanys universitetınıŋ atauy özgermek.
Jaŋa atau boiynşa, universitet endı tek «Qazaqstan Respublikasynyŋ Ūlttyq qorǧanys universitetı» dep atalatyn bolady. Būl turaly özgerıs jobasy Aşyq normativtık qūqyqtyq aktıler (NQA) portalynda jariialandy.
Joba QR Ǧylym jäne joǧary bılım ministrlıgı daiyndap otyrǧan «Joǧary jäne (nemese) joǧary oqu ornynan keiıngı bılım beru ūiymdarynyŋ erekşe märtebesı turaly erejenı bekıtu turaly» Ükımet qaulysyna engızıletın özgerıster aiasynda ūsynylǧan.
«Qazaqstan Respublikasynyŋ Tūŋǧyş Prezidentı – Elbasy atyndaǧy Ūlttyq qorǧanys universitetınıŋ atauyn Qazaqstan Respublikasynyŋ Ūlttyq qorǧanys universitetı dep özgerıster engızu közdelgen»- delıngen qūjatta.
Qūjat jobasy qoǧam talqylauyna ūsynyldy. Talqylau merzımı 2025 jylǧy 18 şıldege deiın jalǧasady.
Būl bastama alǧaş ret 2023 jyly köterıle bastaǧan. Sol kezde bırqatar deputattar qorǧanys salasyndaǧy basty äskeri oqu ornynyŋ atauyn qaita qaraudy ūsynǧan bolatyn. Olar öz ūsynysynda «Qazaqstan Respublikasynyŋ Tūŋǧyş prezidentı – Elbasy turaly» konstitusiialyq zaŋnyŋ küşın joiudy negız retınde keltırgen.
2023 jyldyŋ aqpan aiynda Prezident Qasym-Jomart Toqaev eks-prezidenttı «Elbasy» märtebesınen aiyru turaly zaŋǧa qol qoidy. Būǧan deiın Nazarbaev «Qūrmettı senator» märtebesınen de aiyrylǧan bolatyn.
Qazaqstan Respublikasynyŋ Ūlttyq qorǧanys universitetı – Qaruly küşter men basqa da arnaiy memlekettık organdar üşın joǧary buyndaǧy ofiser mamandardy daiarlaityn basty äskeri joǧary oqu orny.
Universitet 2003 jyly sol kezdegı prezident Nūrsūltan Nazarbaevtyŋ jarlyǧymen aşylǧan.
2018 jyly universitetke Nūrsūltan Nazarbaevtyŋ esımı berılgen bolatyn.
2024 jylǧy qaŋtarda atalǧan universitet aumaǧyndaǧy 2020 jyly ornatylǧan Nazarbaev eskertkışı alynyp, qaita qoiylmaǧan.
