Altynbek Särsenbaiūlynyŋ qaitqanyna 15 jyl - kım kınälı?

Bügın memleket qairatkerı, saiasi oppozisioner Altynbek Särsenbaiūlynyŋ jūmbaq ölımıne 15 jyl toldy, dep habarlaidy "Adyrna" ūlttyq portaly.  Altynbek Särsenbaiūly – 1962 jyly 12 qyrküiekte Almaty oblysy, Raiymbek audany, Qainar auylynda düniege kelgen. Qazaqstannyŋ memleket jäne qoǧam qairatkerı, diplomat, jurnalist. Qazaqstannyŋ Resei Federasiiasyndaǧy Tötenşe jäne Ökılettı Elşısı  (2002-2003), Aqparat jäne qoǧamdyq kelısım ministrı (2004) syndy jauapty qyzmetter atqarǧan. 1992 jyly A. Särsenbaiūly Prezident apparatynda, Qazaqstan Respublikasy Ministrler Kabinetınde jauapty qyzmetter atqardy.

• 1993 jyldan bastap on jyl boiy baspa, aqparat jäne mädeniet salasynyŋ memlekettık organdaryn basqardy. 1993 jyldan Baspa jäne aqparat ministrı,
• 1995 jyldan Baspa jäne aqparat jönındegı Ūlttyq agenttıktıŋ töraǧasy, 1997 jyldan Qoǧamdyq kelısım jäne aqparat ministrı, 1999 jyldan Qazaqstan Respublikasy qoǧamdyq kelısım, aqparat jäne mädeniet ministrı.
• 2001 jyldyŋ mamyrynan jeltoqsanyna deiın Qazaqstan Respublikasy Qauıpsızdık keŋesınıŋ hatşysy — Qazaqstan Respublikasy Prezidentınıŋ Ūlttyq Qauıpsızdık jönındegı kömekşısı. 2002 jyldyŋ qaŋtarynan diplomatiialyq qyzmette, Resei Federasiiasyndaǧy Qazaqstan Respublikasynyŋ Tötenşe jäne Ökılettı Elşısı qyzmetın atqarǧan.
• 2003 jyly Prezidentke aryz jazyp, öz erkımen qyzmetten kettı. Jurnalistikany jaqsy bıletınder Särsenbaiūly basşylyq qyzmette bolǧanda köptegen teleradiostansiialardyŋ jabylyp, bırazynyŋ jekemenşıkke ötkenın aitady.  1998 jyly elde teledidarlyq jäne radiobaǧdarlamalardy qaita ülestıru tenderı ötıp, nätijesınde ondaǧan teleradiostansiialary jabylǧan bolatyn. Oppozisiiada bolǧanda, Altynbek Särsenbaiūly būl qadamy üşın tılşılerden keşırım sūraǧan.

Oqi otyryŋyz: "Jas türkıler". Altynbek Särsenbaiūly.  2006 jyldyŋ 11 aqpanynda Altynbek Särsenbaiūlyn kömekşısı Bauyrjan Baibosynov jäne jürgızuşısı Vasilii Juravlevpen bırge Almaty qalasynyŋ syrtynda Qazaqstannyŋ ūlttyq qauıpsızdık komitetınıŋ arnaiy toby ofiserlerınıŋ qatysuymen jasalǧan qastandyqtyŋ nätijesınde qaza boldy. Sol künı  Almaty oblystyq ışkı ıster basqarmasynyŋ basqaru pultıne Almatynyŋ qasyndaǧy Kök-töbe poselkesınen  «jol jaǧasynan zorlyqpen öltırılgen üş adamnyŋ mäiıtı tabyldy» degen habar kelıp tüstı.  Sol sätınde olardyŋ Altynbek Särsenbaiūly, onyŋ kömekşısı Bauyrjan Baibosyn jäne jürgızuşı Vasilii Juravlev ekenı belgılı boldy. Altynbektıŋ ölımı qoǧamda ülken rezonans tuǧyzdy. Köşege qarsylyq mitingısıne şyqqan halyqtyŋ sanynda esep bolmady. Saiasi qastandyqtyŋ qūrbany bolǧan Altynbek Särsenbaiūly el esınen ūmytylmasy anyq.  

"Adyrna" ūlttyq portaly