Asqar Mamin qazaqstandyqtardyŋ 99 paiyzy internetpen qamtylǧanyn aitypty. Toqsan toǧyz paiyz internet tūrmaq, älı qanşama ūialy bailanyssyz otyrǧan auyldar bar. Oral qalasynan 130, audan ortalyǧynan 10 şaqyrym jerdegı bızdıŋ auylǧa ūialy bailanys älı kelmedı.
Būl mäselenı menıŋ üzdıksız köterıp kele jatqanyma 7 jyldai boldy. Basynda halyq sany 1000-ǧa jetuı kerek dedı. Bızdıŋ auylda tūrǧyny 600-dıŋ şamasynda ǧana. Jaqyn arada myŋǧa barmaityny anyq. Būǧan jetkenşe, 20 jyl örkenitetten maqūrym qalyp otyramyz ba? Men audan äkımınıŋ eseptık jiynynda solai deitınmın.
"Äläulaiym bıtse, halaulaiym bar". Aldar Köse siiaqty äkımder de soŋǧy bır-ekı jylda basqaşa aitatyn boldy. Endıgı jerde bır ǧana bailanys operatorynyŋ mūnarasyn ornatu tiımsız eken. Sondyqtan da "Aktiv", "Tele-2", "Bilain" - üşeuın bır qondyrǧymen bırden qoimaq.
İnternetı jaqsy bolsa, bızge sonyŋ bıreuı de jarar edı deitınbız. Söitıp jürgende "Egemen Qazaqstannan" tūrǧyndary 250-ge jetetın auyldardyŋ 2020 jyldyŋ soŋyna deiın jappai ūialy bailanyspen qamtylatynyn oqydyq. Mıne, mejelengen merzımnen asyp baramyz. Bızdıŋ audanymyzdyŋ Taldybūlaq, Tasqūdyq degen auyldarynda "Aktivtıŋ" mūnarasy ornatylypty. Bıraq bailanys bolǧanmen, internet ūstamaityn körınedı. "Men ne deimın, dombyram ne deidı?". Asqar Mamin 99 paiyz degenmen, naqty jaǧdai basqaşa deidı.
2013 jyly qabyldanǧan "Aqparatty Qazaqstan" baǧdarlamasy boiynşa byltyrǧy jyldyŋ soŋyna deiın elımızdıŋ kemı 75 paiyzy sapaly internetpen qamtyluy tiıs bolatyn. Qazır qalalyq jerlerdıŋ özınde internet naşar jerler bar. Syrym audannyŋ ortalyǧyna ūialy bailanys 2007 jyldyŋ säuır aiynda kelıp edı. On tört jyldan berı on şaqyrym jerdegı bızdıŋ auylǧa sol älı jetpedı. Qazaqstannyŋ qalai damyp kele jatqanyn sonyŋ özınen köruge bolady ǧoi. Norvegiia teŋızdıŋ astynan 501 kilometr jol salyp, 827 milliard dollar qor jinapty degendı oqyǧanda, jylap jıberuge qalatynymyz sondyqtan...
Serık ZİIаTOV, Batys Qazaqstan oblysynyŋ tūrǧyny.
