Nur-Sultanda utys oıynyn ótkizý úshin 2 myń adamdy jınaǵan kásipkerler qala turǵyndarynan keshirim surady, dep habarlaıdy elorda ákimdiginiń resmı saıty.
Buqaralyq is-sharany uıymdastyrǵandar qala turǵyndarynan keshirim surady.
"Romantic" gúlder ortalyǵy Nur-Sultan qalasynyń turǵyndarynan keshirim suraıdy. Bolǵan oqıǵa úshin barlyq jaýapkershilikti óz moınymyzǵa alamyz. Is-sharalardy ótkizý úshin qoıylatyn talaptar men bas sanıtar dárigerdiń nusqamasy buzyldy. Qalamyzǵa jáne jurtshylyqqa keltirilgen qolaısyzdyqtar úshin jaýapkershilikti kóterýge daıynbyz. Bul is-shara ákimdiktiń jáne basqa da memlekettik organdardyń kelisiminsiz ótkizildi. Biz qalyptasqan jaǵdaıdyń aýyrlyǵyn túsinbedik", - dedi qala turǵyndaryna gúl ortalyǵynyń atqarýshy dırektory Temirlan Kenjebaev.
Dúken ıeleri QR ÁQBtK-niń 425-babynyń birinshi bóligi boıynsha ákimshilik jaýapkershilikke tartyldy, olarǵa 230 AEK nemese 670 910 teńge mólsherinde aıyppul salyndy. Kásipkerler kinásin moıyndap, aıyppuldy 7 kún ishinde óteýge keliskendikten, tólem mólsheri 115 AEK nemese 335 455 teńge bolady.
