Türkımenstan astanasynda 24 aqpanda polisiia medisinalyq maska taqqan äieldı ūstady. Būl turaly "Hroniki Turkmenistana" saityna sılteme jasap, centralasian.org habarlady.
Aşǧabadtyq äiel keşke üiıne qaityp kele jatqanda ony polisiia qyzmetkerlerı toqtatyp, tölqūjat körsetuın sūraǧan. Qūjatta qatelık bolmaǧan, bıraq polisiia qyzmetkerıne äieldıŋ medisinalyq maska taqqany ūnamaǧan.
"Sen ükımettıŋ virusqa qarsy qoldanǧan şaralaryna senbeisıŋ be? Bız, basşylarymyz maska taqpaidy. Sen nege taǧyp alǧansyŋ?" - dep sūraǧan polisiia qyzmetkerı maskadaǧy äielden.
Äiel därıgerler keŋesıne qūlaq asqanyn aitqanymen, ony polisiia bölımıne alyp baryp, 249 manat (resm baǧammen şamamen 70 dollar) aiyppūl salǧan. Aiyppūldy bank arqyly töleudı talap etken. Polisiia kepıl retınde äieldıŋ tölqūjatyn alyp qalǧan.
Kelesı künı äiel aiyppūl tölep, tölqūjatyn qaitaryp alǧan.
Ūqsas jaŋalyqtar
