Işkı ıster ministrlıgı, Auyl şaruaşylyǧy ministrlıgı jäne Memlekettık kırıster komitetı sybailas jemqorlyqqa qarsy küres boiynşa reitingte köş bastap tūr dep mälımdedı sybailas jemqorlyqqa qarsy küres agenttıgınıŋ alqa otyrysynda vedomstvo töraǧasy Alik Şpekbaev. Būl turaly «Adyrna» ūlttyq portaly vlast.kz-ke sılteme jasai otyryp habarlaidy.
Auyl şaruaşylyǧy ministrlıgı sybailas jemqorlyqqa qarsy keşendı monitoringtıŋ qorytyndysy boiynşa būrynǧysynşa anti-liderlerdıŋ bırı bolyp qala beredı. Vedomstvo bızdıŋ ūsynystarymyzdy, äsırese, auyl şaruaşylyǧy tauaryn öndıruşılerdı subsidiialau tärtıbın jetıldıruge qatysty ūsynystardy tolyq kölemde oryndamaidy. Būl sybailas jemqorlyqqa mümkındık berıp ǧana qoimai, sonymen qatar bizneste de teŋsızdıkterge äkelıp soǧady. Jalpy aitqanda, bailar baiyp, kedeiler kedeilene beredı, - dedı Şpekbaev.
Işkı ıster ministrlıgıne keletın bolsaq, Tūŋǧyş Prezidenttıŋ "Adaldyq alaŋy" jobasyn barlyq öŋırler men ortalyq memlekettık organdar deŋgeiınde masştabtau turaly tapsyrmasyna qaramastan, vedomstvo "tūrmystyq sybailas jemqorlyq mäselelerı olarda tolyǧymen şeşımın tapqandai, jobalyq keŋsenıŋ aşyluyna tosqauyl qoiyp otyr".
"Tolyqqandy aldyn alu şaralary memlekettık kırıster komitetınde de joq, mūnyŋ aiqyn dälelı azamattar men biznestıŋ keden jäne salyq organdarynda jüielı türde alym - salyq jinauǧa degen tūraqty şaǧymdary bolyp tabylady", - dep atap öttı ol.
"Adyrna" ūlttyq portaly
Foto aşyq derekközden alyndy
Ūqsas jaŋalyqtar
