Áleýmettik jelide Qyrǵyzstannyń Keden qyzmeti basshysynyń burynǵy orynbasary Raıymbek Matraımovtyń sýretteri paıda boldy, dep habarlaıdy “Adyrna” tilshisi kaktus.media-ǵa siltep.
Ol Bakýden Bishkekke ákelingen.
Eks-sheneýnik úkimettik ushaqtyń kómegimen ekstradıııalanǵan bolatyn.
Qazir Ulttyq qaýipsizdik komıtetiniń ǵımaratynda aǵaıyndy tórt Matraımovtar – Raıymbek, Eskendir, Tilek jáne Islam bar.
Tilek Matraımov aǵasymen birge Bakýden ekstradıııalandy.
«Raıymbek Matraımovtyń Qyrǵyzstanda ustalǵan Ázerbaıjannan kelgen transulttyq uıymdasqan qylmystyq top múshelerimen baılanysy bar ekeni belgili boldy, olar Qyrǵyz Respýblıkasynyń basshylyǵyna qastandyq jasaýdy daıyndap jatyr», - dep habarlady Ulttyq qaýipsizdik memlekettik komıteti.
Aıta ketkıik, Raıymbek Matraımov 2015-2017 jyldar aralyǵynda Qyrǵyzstanda memlekettik keden qyzmeti basshysynyń orynbasary qyzmetin atqarǵan. Al oǵan 2020 jyldyń qazan aıynda bılik aýysqannan keıin kedendegi sybaılas jemqorlyqqa qatysy bar degen aıyp taǵyldy.
