Memleket basshysy Úkimettiń keńeıtilgen otyrysynda otandyq vakınany saldyratynyn málimdedi, dep habarlaıdy «Adyrna» tilshisi Aqordaǵa silteme jasap.
Sondaı-aq, Prezıdent Úkimetke «Atameken» Ulttyq kásipkerler palatasymen birlese otyryp, bir aıdyń ishinde epıdemııaǵa qarsy sharalarǵa teńdestirilgen tásildi qamtamasyz etý maqsatynda ımmýndyq mártebe týraly aqparat qamtylatyn QR kodtardy engizý máselesin pysyqtaý tapsyrdy.
— Árıne, jappaı vakınaııalaý daǵdarysty eńserýdiń naqty ári júıeli sharasy bolyp otyr. Ony sapaly ótkizý úshin barlyq jaǵdaı jasalýy qajet. Daıyndyq jumystaryn zertteý kezinde vakınany saqtaýǵa arnalǵan tońazytqysh jabdyqtarynyń qajetti kólemi jetispeıtini anyqtaldy. Batys Qazaqstan, Mańǵystaý jáne Túrkistan oblystarynda asa kúrdeli jaǵdaı qalyptasyp otyr. Úkimetke ákimdermen birlesip, daıyndyq jumystaryn tolyq qamtamasyz etip, 1 aqpannan bastap jappaı vakınaııalaýǵa kirisýdi tapsyramyn. Otandyq vakınanyń testileýi oń qorytyndy beredi dep úmittenemiz. Osy rette, ózim otandyq ekpe ektiremin, – dedi ol.
«Adyrna» ulttyq portaly
