T.Nárikbaev qyzmetinen bas tartty

2256
Adyrna.kz Telegram

Talǵat Nárikbaev QR BǴM qarasty «ADAL BILIM» jobalyq keńsesindegi qyzmetinen bas tartty. Saılaý nátıjesi boıynsha Nur-Sultan qalasy máslıhaty VII shaqyrylymynyń depýtaty ári qalalyq máslıhattyń Zańdylyq, quqyqtyq tártip jáne jurtshylyqpen jumys máseleleri jónindegi turaqty komıssııa tóraǵasy bolyp taǵaıyndaldy. 

«Atalǵan qyzmet pen quzyrettilik zań júzinde júktelgendikten ári qoǵamdyq jumys bolǵan soń, QR BǴM Jobalyq keńsesindegi qyzmetimmen qatar alyp júrý múmkin emes», – dep túsindiredi ol.

Esterińizge sala keteıik, «ADAL BILIM» jobalyq keńsesi bir jarym jyl buryn Qazaqstan Respýblıkasy Bilim jáne ǵylym mınıstri Ashat Aımaǵambetovtiń buıryǵymen qurylǵan. Keńse týraly erejeni Qazaqstan Respýblıkasynyń Sybaılas jemqorlyqqa qarsy is-qımyl agenttiginiń tóraǵasy Alık Shpekbaev bekitti.

Sondaı-aq «ADAL BILIM» jobalyq keńsesi jyl saıyn ótetin «Adal tulǵa – 2020» syılyǵy aıasynda «Eń úzdik ulttyq joba» atandy. Marapat Jobalyq keńsege bilim jáne ǵylym salasyndaǵy sybaılas jemqorlyqqa qarsy atqarǵan jumystary úshin tabystaldy.

Talǵat Nárikbaev Facebook-tegi jazbasynda osy ýaqytqa deıin bilim jáne ǵylym salasynda sybaılas jemqorlyqqa qarsy kúres boıynsha atqarǵan isterimen, taldaý jáne saraptama jumystarynyń nátıjesimen bólisti. Eks-basshy Jobalyq keńseniń jumysy bıýdjettik qarajatqa emes, KAZGIýÝ Ýnıversıtetiniń qarjysyna júrgizilgenin atap ótti. Osy ýaqytqa deıin kelesideı jumystar atqarylǵan:

- Jobalyq keńse Qazaqstan Respýblıkasy Bilim jáne ǵylym mınıstrliginiń 16 qoldanystaǵy normatıvtik quqyqtyq aktilerine taldaý júrgizdi.

«Joǵary oqý ornynyń úzdik oqytýshysy» ataǵyn berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstri mindetin atqarýshynyń 2015 jylǵy 16 naýryzdaǵy №124 buıryǵyna ózgerister engizý týraly usynystar ázirlendi. Sondaı-aq Qamqorshylyq keńesi qyzmetiniń tıptik erejelerine ózgeris engizý, onyń ishinde keńes músheleriniń orta jalpy bilim berý uıymdary memlekettik mekemeleriniń basshylaryn konkýrstyq aýystyrý rásimindegi róline ózgerister engizý boıynsha jumys júrgizildi.

- Joǵary oqý oryndaryndaǵy sybaılas jemqorlyqqa qarsy aýdıt júrgizýdiń, josparlaý rásiminiń reglamentin jáne «stıpendııalyq qordy» qurý men ony paıdalanýdyń algorıtmi ázirlendi.

- Bilim berý uıymdaryna tekserý jumystary júrgizildi, onyń ishinde kolledjderdegi bilim berý tapsyrysyna monıtorıng jasalyp, jergilikti bıýdjetten grant bólý rásimin jetildirý boıynsha nusqaýlyqtar ázirlendi. Sonymen qatar Jumys toby joǵary oqý oryndaryn tekserdi, nátıjesinde oqý proesin uıymdastyrýda, kásibı talaptar men akademııalyq adaldyq prınıpterin saqtaýda buzýshylyqtar anyqtaldy.

- Jobalyq keńse QR BǴM vedomstvolyq baǵynysty uıymdaryn ońtaılandyrý/taratý jumystarynyń birinshi kezeńin (ortalyq apparat qurylymy boıynsha nusqaýlyqtar, faktorlyq-baldyq shkalany engizý, basqarýshylar men oryndaýshylardyń qyzmetterin qaıta qaraý) júzege asyrdy. Sondaı-aq ekinshi kezeńdi júzege asyrý úshin 18 kvazımemlekettik sýbekti boıynsha taldaý jumystary júrgizildi.

Jazba sońynda Talǵat Nárikbaev Nur-Sultan qalasy máslıhatyndaǵy depýtattyq qyzmetinde elordamyzdyń bilim berý, qoǵamdyq qaýipsizdik (quqyqtyq tártip) jáne densaýlyq saqtaý salalaryn damytýǵa kóńil bóletinin aıtty.

 

Pikirler