Talǵat Muratov Semeı qalasynyń ákimi bolyp taǵaıyndaldy. Bul týraly búgin, 23 jeltoqsanda Abaı oblysynyń ákimdigi aıtty, dep habarlaıdy «Adyrna» tilshisi.
Buǵan deıin ol Besqaraǵaı aýdanynyń ákimi qyzmetin atqardy. Memlekettik qyzmetke 2014 jyly kelgen. Úsh joǵary bilimi bar. 2007 jyly Qazaq bas sáýlet-qurylys akademııasyn «Sarapshy-baǵalaý», 2015 jyly Qazaq ınnovaııalyq ýnıversıtetin «Quqyqtaný», al 2018 jyly Qazaq qatynas joldary ýnıversıtetin «Tehnıka jáne tehnologııalar» mamandyqtary boıynsha bitirgen.
Muratovqa deıin Abaı oblysynyń ortalyǵyn Nurbol Nursaǵatov basqarǵan edi.
«Men árdaıym qala turǵyndary úshin ashyq boldym jáne osy qıyn jumysta meni qoldaǵandardyń barlyǵyna shyn júrekten alǵys aıtamyn. Sizderdiń senimderińiz ben qoldaýlaryńyz men úshin óte qymbat. Biz kezdesken máselelerge túsinistikpen qaraǵandaryńyz úshin rahmet»,—dedi ol.
Eskk salaıyq, 22 jeltoqsanda Semeıde ortalyq alańda shyrsha turǵyzýǵa járdemdesken muǵalim Qýat Aıtqalıev bıikten qulap, aýyr jaraqat alǵan bolatyn. Osy oqıǵadan soń qalanyń bilim bóliminiń basshysy qyzmetinen ketti.
