Darhan Satybaldy Prezıdent ákimshiligi basshysynyń birinshi orynbasary bolyp taǵaıyndaldy. Bul týraly búgin Aqordanyń baspasóz qyzmeti aıtty, dep habarlaıdy «Adyrna» tilshisi.
«Memleket basshysynyń jarlyǵymen Darhan Amangeldiuly Satybaldy Qazaqstan Respýblıkasy Prezıdentiniń ákimshiligi basshysynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy»,—delingen habarlamada.
Aıta keteıik, buǵan deıin Darhan Satybaldy Túrkistan oblysynyń ákimi qyzmetin atqarǵan edi. Ol óńir basshysy bolyp 2022 jylǵy tamyzda taǵaıyndalǵan bolatyn.
